ଉଦୟପୁରରେ ହେବ ପରିଣୀତି-ରାଘବଙ୍କ ବିବାହ!

ଉଦୟପୁର: ଖୁବଶୀଘ୍ର ବାଜିବ ଶାହାନାଇ। ବଲିଉଡ ଅଭିନେତ୍ରୀ ପରିଣୀତି ଚୋପ୍ରାଙ୍କ ନିକଟରେ ନିର୍ବନ୍ଧ ହୋଇଥିଲା। ଏଥିରେ ବହୁ ବଲିଉଡ ତାରକା ଯୋଗ ଦେଇଥିଲେ। ତେବେ ଆଜି ଆଉ ଏକ ଖବର ବି-ଟାଉନରୁ ଆସିଛି।

ଅଭିନେତ୍ରୀ ପରିଣୀତି ଚୋପ୍ରା ଏବଂ ଆପ ନେତା ରାଘବ ଚଡ୍ଡାଙ୍କ ବିବାହ ରାଜସ୍ଥାନର ଉଦୟପୁରରେ ହୋଇପାରେ। ଆଜି ପରିଣୀତି ଉଦୟପୁରରେ ପହଞ୍ଚିଥିବାରୁ ଏନେଇ ନାନା କଳ୍ପନାଜଳ୍ପନା ଆରମ୍ଭ ହୋଇଛି। ଏଥିସହ ତାଙ୍କ ସମ୍ପର୍କୀୟ ଏବଂ ସାଙ୍ଗମାନେ ପୂର୍ବରୁ ହିଁ ଉଦୟପୁରରେ ପହଞ୍ଚିସାରିଛନ୍ତି।

ସକାଳ ପ୍ରାୟ ୯ଟା ୩୦ରେ ମହାରଣା ପ୍ରତାପ ଡବୋକ ଏୟାରପୋର୍ଟରେ ପହଞ୍ଚିଥିଲେ। ଏବଂ ପରେ ଏଠାରେ ଥିବା ଅଧିକାରୀଙ୍କ ସହ କଥା ହୋଇଥିଲେ। ବର୍ତ୍ତମାନ ପରିଣୀତି ଲୀଲା ହୋଟେଲରେ ଥିବାବେଳେ ତାଙ୍କ ସମ୍ପର୍କୀୟମାନେ ଉଦୟବିଳାସ ହୋଟେଲରେ ରହିଛନ୍ତି।