Raksha bandhan: କୃତି ସାନନଙ୍କ ରକ୍ଷାବନ୍ଧନ ବିଜ୍ଞାପନ ହଟାଇଲା ଜିଭା

ବିଜ୍ଞାପନରେ କୃତି ଏକ ବ୍ରାଲେଟ୍‌ ଶୈଳୀର ବ୍ଲାଉଜ୍‌, ସ୍କର୍ଟ ଓ କେପ୍‌ ପିନ୍ଧିଥିବା ଦେଖାଯାଇଥିଲା। ସେ ନିଜ ଭାଇଙ୍କୁ ରାକ୍ଷୀ ବାନ୍ଧିବା ସହ ପୋଷା କୁକୁରକୁ ମଧ୍ୟ ରାକ୍ଷୀ ବାନ୍ଧୁଥିବା ଦୃଶ୍ୟ ରହିଥିଲା। ଏହାକୁ ନେଇ କିଛି ସୋସିଆଲ ମିଡିଆ ବ୍ୟବହାରକାରୀ କୃତିଙ୍କ ପୋଷାକକୁ ଆପତ୍ତିଜନକ ବୋଲି ସମାଲୋଚନା କରିଥିବାବେଳେ ରକ୍ଷାବନ୍ଧନରେ କୁକୁରକୁ ରାକ୍ଷୀ ବାନ୍ଧିବା ଦୃଶ୍ୟକୁ ମଧ୍ୟ ପ୍ରଶ୍ନ କରିଥିଲେ। ବିଜେପି ସାଂସଦ ତଥା ଅଭିନେତ୍ରୀ କଙ୍ଗନା ରଣାୱତ ମଧ୍ୟ ଏହି ବିଜ୍ଞାପନକୁ ସମାଲୋଚନା କରିଥିଲେ। ଇନ୍‌ଷ୍ଟାଗ୍ରାମ ଷ୍ଟୋରିରେ ସେ କୃତିଙ୍କ ପୋଷାକକୁ ‘ବିକିନି’ ସହ ତୁଳନା କରି ଏପରି ପୋଷାକରେ ରକ୍ଷାବନ୍ଧନରେ ରାକ୍ଷୀ ବାନ୍ଧିବାର ଆବଶ୍ୟକତା କ’ଣ ବୋଲି ପ୍ରଶ୍ନ କରିଥିଲେ।