Pakistan Flag: ବ୍ରିଟିଶ ଦୁର୍ଗରେ ପାକିସ୍ତାନୀ ପତାକା ନେଇ ବିବାଦ: ଆମ ସଂସ୍କୃତିକୁ ହଡ଼ପ କରିବାର ପ୍ରୟାସ ବୋଲି କହି ନିନ୍ଦା କଲା ରିଫର୍ମ ପାର୍ଟି

ଲଣ୍ଡନ: କାର୍ଡିଫ କାସଲ୍ ଉପରେ ପାକିସ୍ତାନୀ ପତାକାର ଚିତ୍ରକୁ ନେଇ ବ୍ରିଟେନରେ ଏକ ବିତର୍କ ଆରମ୍ଭ ହୋଇଛି। ରିଫର୍ମ ଦଳର ନେତାମାନେ କାର୍ଡିଫ କାଉନସିଲକୁ ଦୁର୍ଗରେ ପାକିସ୍ତାନୀ ପତାକା ଲଗାଯିବା ନେଇ ସମାଲୋଚନା କରିଛନ୍ତି। ଦଳ କହିଛି ଯେ ପତାକା ଲଗାଯିବା ଆମ ସଂସ୍କୃତି ଉପରେ ପ୍ରଭାବ ପକାଇବାର ଏକ ପ୍ରୟାସ। ରିଫର୍ମ ୱେଲ୍ସ ମୁଖପାତ୍ର ରବର୍ଟ ଜେନରିକ କହିଛନ୍ତି, ଆମର ଐତିହାସିକ ସ୍ଥଳରେ ୱେଲ୍ସ ଡ୍ରାଗନ କିମ୍ବା ୟୁନିଅନ ଫ୍ଲାଗ ବ୍ୟତୀତ ଅନ୍ୟ କୌଣସି ପତାକା ଉତ୍ତୋଳନ କରାଯିବା ଉଚିତ୍ ନୁହେଁ। ସେହିପରି କଞ୍ଜରଭେଟିଭ ପାର୍ଟି ରିଫର୍ମ ଦଳ ଉପରେ ଜାତିଗତ ବିବାଦ ଆରମ୍ଭ କରିବାକୁ ଚେଷ୍ଟା କରୁଥିବା ଅଭିଯୋଗ ଆଣିଛି।ସେପ୍ଟେମ୍ବର ୫ ତାରିଖରେ ରିଷ୍ଟୋର ପାର୍ଟି କାଉନସିଲର ଓୱେନ୍ କ୍ଲାଭର୍ଟିଙ୍କ ଏକ ପୋଷ୍ଟରୁ ବିବାଦ ଆରମ୍ଭ ହୋଇଥିଲା, ଯେଉଁଥିରେ କାର୍ଡିଫ୍ କାସଲ୍ ଉପରେ ଉଡୁଥିବା ଏକ ପାକିସ୍ତାନୀ ପତାକାର ଚିତ୍ର ଦେଖାଯାଇଥିଲା। ଏହାକୁ ପରେ ରିଷ୍ଟୋର ପାର୍ଟି ନେତା ରୁପର୍ଟ ଲୋ ଏବଂ ରିଫର୍ମ ୟୁକେର ୱେଲ୍ସ ନେତା ଡାନ୍ ଥମାସ ସେୟାର କରିଥିଲେ।

ପତାକା ଲଗାଯିବା ଆମ ସଂସ୍କୃତି ଉପରେ ପ୍ରଭାବ

କାର୍ଡିଫ କାସଲ୍‌ରେ ପାକିସ୍ତାନୀ ପତାକାର ଯେଉଁ ଚିତ୍ର ସେୟାର କରାଯାଇଥିଲା ତାହା ୧୪ ଅଗଷ୍ଟ ୨୦୨୪ ରେ ଉଠାଯାଇଥିଲା। ପାକିସ୍ତାନରେ ୧୪ ଅଗଷ୍ଟକୁ ସ୍ୱାଧୀନତା ଦିବସ ଭାବରେ ପାଳନ କରାଯାଏ। ତଥାପି, ସ୍ଥାନୀୟ କାର୍ଡିଫ ଅଧିକାରୀମାନେ କହିଛନ୍ତି ଯେ ଚଳିତ ବର୍ଷ ପାକିସ୍ତାନର ସ୍ୱାଧୀନତା ଦିବସ ପାଳନ କରିବା ପାଇଁ ଦୁଇ ଦିନ ପାଇଁ ପତାକା ଉଡ଼ାଯାଇଥିଲା। ରିଫର୍ମ ପାର୍ଟିର ଅର୍ଥନୈତିକ ବ୍ୟାପାର ମୁଖପାତ୍ର ରବର୍ଟ ଜେନରିକ୍ ଏକ ଫେସବୁକ୍ ପୋଷ୍ଟରେ କହିଛନ୍ତି ଯେ ପତାକାର ଚିତ୍ର ଲଗାଇବା ଆମ ସଂସ୍କୃତି ହଡ଼ପ କରିବାର ଏକ ପ୍ରୟାସ। ସେ କାସଲ୍‌ରେ ଏକ କାର୍ଯ୍ୟକ୍ରମର ଭିଡିଓ ରି-ପୋଷ୍ଟ କରିଛନ୍ତି। ଯେଉଁଥିରେ ସେନେଡ୍‌ର କିଛି ସଦସ୍ୟ ପାକିସ୍ତାନୀ ପତାକା ଉଡ଼ାଉଥିବାର ଦେଖାଯାଉଛି। ୱେଲ୍ସ କଞ୍ଜରଭେଟିଭ ପାର୍ଟିର ପାକିସ୍ତାନୀ ବଂଶୋଦ୍ଭବ ସେନେଡ୍ ସଦସ୍ୟ ନତାଶା ଅସଗର ଏହି ଅଭିଯୋଗକୁ ଖଣ୍ଡନ କରି ଏହାକୁ ଜାତିଗତ ବିବାଦ ଆରମ୍ଭ କରିବାର ପ୍ରୟାସ ବୋଲି କହିଛନ୍ତି। ନତାଶା ଏହା ହଡ଼ପ ନୁହେଁ। ଏହା ସମ୍ମାନ। ମୁଁ ଭାରତୀୟ ସମ୍ପ୍ରଦାୟ, ପାକିସ୍ତାନୀ ସମ୍ପ୍ରଦାୟ ଏବଂ ପୋଲାଣ୍ଡ ସମ୍ପ୍ରଦାୟର ଅନେକ ପତାକା ଉତ୍ତୋଳନ ଉତ୍ସବରେ ଯୋଗ ଦେଇଛି। ସେସବୁ ଚମତ୍କାର କାର୍ଯ୍ୟକ୍ରମ ଥିଲା। ଯେଉଁଥିରେ ବିଭିନ୍ନ ରାଜନୈତିକ ପୃଷ୍ଠଭୂମିର ଲୋକ ଯୋଗଦେଇଥିଲେ।

ସୌଜନ୍ୟ ସମ୍ବାଦ