Natural Disaster: ବନ୍ୟାର ଦୁଃଖ ଯାଇନି…ପୁଣି ଭୂକମ୍ପରେ ଥରିଲା ତିକ୍ରତ ଓ ନେପାଳ, ରିକ୍ଟର ସ୍କେଲରେ ତୀବ୍ରତା ୫.୩ ରେକର୍ଡ

ନୂଆଦିଲ୍ଲୀ, ୦୯/୦୯: ତିକ୍ରତ ଓ ନେପାଳ ଆଜି ରାତିରେ ଭୂକମ୍ପରେ ଥରି ଉଠିଛି । ତେବେ ଏଥିରେ କୌଣସି କ୍ଷୟକ୍ଷତି ଘଟିନାହିଁ  ୟୁରୋପୀୟାନ-ମେଡିଟରେନିୟମ ସିସ୍ମୋଲୋଜିକାଲ ସେଣ୍ଟରର ସୂଚନା  ଅନୁସାରେ ଆଜି ରାତିରେ ପ୍ରଥମେ ତିକ୍ରତରେ ଭୂକମ୍ପ ଘଟିଥିଲା ।  ରିକ୍ଟର ସ୍କେଲରେ ଏହାର ତୀବ୍ରତା ୫.୩ ଥିଲା । ଏହାର ଗଭୀରତା  ଭୂପୃଷ୍ଠରୁ ୩୫ କି.ମି. ଭିତରେ ରହିଛି ।ଗତ ୩ ତାରିଖରେ ତିକ୍ରତରେ  ୫ ତୀବ୍ରତାର ଭୂକମ୍ପ ହୋଇଥିଲା । ତେବେ ଆଜି ତିକ୍ରତରେ ଭୂକମ୍ପ  ଘଟିବାର କିଛି ସମୟ ପରେ ନେପାଳରେ ରାତି ୯ଟା ୩୮ରେ ଭୂକମ୍ପ  ଅନୁଭୂତ ହୋଇଥିଲା । ରିକ୍ଟର ସ୍କେଲରେ ଏହାର ତୀବ୍ରତା ୫ ଥିଲା ।  ଏହାର କେନ୍ଦ୍ର ଭୂପୃଷ୍ଠରୁ ୧୪୨ କି.ମି. ଗଭୀରତାରେ ରହିଥିଲା ।  କିନ୍ତୁ  ଭୂକମ୍ପ ଯୋଗୁ ଲୋକମାନେ ଭୟଭୀତ ହୋଇପଡିଛନ୍ତି । ଭୂକମ୍ପ ଝଟକା  ଲାଗିବା ପରେ ଲୋକମାନେ ଭୟରେ ଘରୁ ବାହାରକୁ ଚାଲିଆସିଥିଲେ ।

ଗତ ଅଗଷ୍ଟ ୨୬ରେ ତିକ୍ରତରେ ୫ ତୀବ୍ରତାର ଭୂକମ୍ପ ଘଟିବା ପରେ  ହିନ୍ଦୁକୁଶରେ ଥିବା ହିମହ୍ରଦ ଭାଙ୍ଗି ଥିଲା । ପାହାଡ ଉପରୁ ପ୍ରଚଣ୍ଡ  ବେଗରେ ମାଟି ଓ ପାଣି ତଳକୁ ମାଡି ଆସି ତିକ୍ରତ ଓ ନେପାଳରେ  ପ୍ରଳୟଙ୍କରୀ ବନ୍ୟା ଘଟି ବ୍ୟାପକ ଧନଜୀବନହାନି ହୋଇଥିଲା । ଏହି  ବନ୍ୟାରେ ଉଭୟ ଅଞ୍ଚଳର ଲୋକମାନେ ଅଣ୍ଟା ସଳଖି ନଥିବା ବେଳେ  ଆଜିର ଏହି ଭୂକମ୍ପ ସେମାନଙ୍କ ଚିନ୍ତା ଆହୁରି ବଢ଼ାଇ ଦେଇଛି ।

ସୌଜନ୍ୟ ପ୍ରମେୟ