ନୂଆଦିଲ୍ଲୀ,୨୧।୯: ଭାରତୀୟ ଜନତା ପାର୍ଟି (ଭାଜପା)ର ପୂର୍ବତନ ମୁଖପାତ୍ର ଶେହଜାଦ ପୁନାୱାଲାଙ୍କ ଦଳ ଛାଡ଼ିବା ପଛର ପ୍ରକୃତ କାରଣ କ’ଣ ଥିଲା? ସେ ଏହି ବିଷୟରେ ଖୋଲାଖୋଲି ଭାବେ କହିଛନ୍ତି। ଗଣମାଧ୍ୟମ ସହ ଏକ ସ୍ବତନ୍ତ୍ର ସାକ୍ଷାତକାରରେ ଶେହଜାଦ କହିଛନ୍ତି ଯେ ଭାଜପା ତାଙ୍କ ପାଇଁ ମା’ ସଦୃଶ ଏବଂ ଦଳ ସହିତ ତାଙ୍କର ଏକ ଗଭୀର ଓ ବ୍ୟକ୍ତିଗତ ସମ୍ପର୍କ ରହିଛି। ସେ ଗୁରୁତ୍ୱାରୋପ କରି କହିଛନ୍ତି, ‘ମୁଁ ବିଚାରଧାରାକୁ ତ୍ୟାଗ କରିନାହିଁ; ମୁଁ କେବଳ ଏକ ବ୍ୟବସ୍ଥାରୁ ନିଜକୁ ଦୂରେଇ ନେଇଛି।’
ଶେହଜାଦ ପୁନାୱାଲା କହିଛନ୍ତି, ‘ମୁଁ ଆପଣଙ୍କୁ ପ୍ରକୃତ କାହାଣୀଅର୍ଥାତ ଭିତରର କଥାକହିବାକୁ ଚାହେଁ। ପ୍ରଥମ କଥା ହେଲା, ମୁଁ ଭାଜପାକୁ ଧମକ ଦେଉନାହିଁ, କାରଣ ଦଳ ସହିତ ମୋର ଘନିଷ୍ଠ ଓ ବ୍ୟକ୍ତିଗତ ସମ୍ପର୍କ ରହିଛି। ଭାଜପା ମୋ ପାଇଁ ମା’ ସଦୃଶ; ଏହା ପରିବାର ପରି ଏବଂ ପରିବାର ମଧ୍ୟରେ ଧମକ ପାଇଁ କୌଣସି ସ୍ଥାନ ନାହିଁ। ଭାଜପା ଏପରି ଏକ ଦଳ ଯେଉଁଠାରେ କର୍ମୀଙ୍କ କଥା ଶୁଣାଯାଏ।”
ସେ ଆହୁରି ମଧ୍ୟ କହିଛନ୍ତି, “କଂଗ୍ରେସ ସହିତ ମୋର ମତଭେଦ ସୃଷ୍ଟି ହୋଇଥିଲା। ତା’ପରେ ମୋଦୀଜୀ ମଞ୍ଚରୁ ମୋ ନାମ ଉଲ୍ଲେଖ କରିଥିଲେ, ଆପଣଙ୍କର ମନେଥିବ ସେତେବେଳେ ଗୁଜୁରାଟ ନିର୍ବାଚନ ଚାଲିଥିଲା। ତା’ପର ପାଞ୍ଚ ବର୍ଷ ମୁଁ କେଉଁଠାରେ ଥିଲି? ପରବର୍ତ୍ତୀ ସମୟରେ, ମୁଁ ଭାଜପାରେ ଯୋଗଦେବା ଏବଂ ସେମାନଙ୍କ ସହ କାମ କରିବାର ସୁଯୋଗ ପାଇଲି। ମୁଁ ଦୁଇଟି ବିଷୟ ଉପରେ ବିଚାର କଲି: ମୁଁ କାହାର ପୁଅ ନୁହେଁ (ଯେ କି ପୈତୃକ ସମ୍ପତ୍ତି ପାଇଛ), କିମ୍ବା ମୁଁ ଦୁର୍ନୀତିଗ୍ରସ୍ତ ଉତ୍ସରୁ ଟଙ୍କା ଗ୍ରହଣ କରେ ନାହିଁ; ତେଣୁ ଯଦି ମୁଁ ଦିନରାତି (୨୪/୭) ଏହି କାମରେ ନିଜକୁ ନିୟୋଜିତ କରେ, ତେବେ ମୁଁ କିପରି ଚଳିବି ସେ ବିଷୟରେ ଚିନ୍ତା କରିବାକୁ ପଡ଼ିଥିଲା। ମୁଁ ଯଥେଷ୍ଟ ସଞ୍ଚୟ କରି ରଖିଥିଲି,ଯେହେତୁ ମୁଁ ଅବିବାହିତ ଏବଂ କେବଳ ନିଜର ଖର୍ଚ୍ଚ ବହନ କରିବାକୁ ପଡ଼େ, ଯାହା ଦ୍ୱାରା ମୁଁ ତିନି କିମ୍ବା ଚାରି ବର୍ଷ ପର୍ଯ୍ୟନ୍ତ ଚଳିପାରିବି।’
ଶାହଜାଦ କହିଲେ, ‘ମୋ ମନରେ ଆଉ ଏକ ଚିନ୍ତାଧାରା ଥିଲା ଯେ ମୁଁ ୨୦୨୪ ନିର୍ବାଚନ ପର୍ଯ୍ୟନ୍ତ ରହିବ ଇର୍ଥାତ, ଯେତେବେଳେ ମୋଦୀଜୀ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହେବେ, ସେତେବେଳେ ମୁଁ ମୋର ଲକ୍ଷ୍ୟ ପୂରଣ ହୋଇଛି ବୋଲି ଭାବିବି ଏବଂ ଘରୋଇ କ୍ଷେତ୍ରକୁ ଫେରିଯିବି; ମୁଁ ଏକାଧିକ ପଡକାଷ୍ଟରେ ଏବଂ ଟୁଇଟ ମାଧ୍ୟମରେ ମଧ୍ୟ ଏହା ସ୍ପଷ୍ଟ ଭାବେ କହିସାରିଛି। ସେଇଟା ହିଁ ମୋର ମୂଳ ଯୋଜନା ଥିଲା। ଇତିହାସକୁ ଦେଖିଲେ, ଭାଜପା କେବେବି କାହାକୁ ପ୍ରଥମ ଦିନରେ ହିଁ ଜାତୀୟ ମୁଖପାତ୍ର ଭାବେ ନିଯୁକ୍ତ କରିନାହିଁ; କେବଳ ମୁଁ ହିଁ ଏମିତି ଜଣେ ବ୍ୟକ୍ତି ଯିଏ ପ୍ରଥମ ଦିନରେ ହିଁ ମୁଖପାତ୍ର ହୋଇଥିଲି। ତେବେ ଭାଜପା ଉପରେ ନାରାଜ ହେବାର କାରଣ କ’ଣ ଥାଇପାରେ? ବିଜେପି ମୋତେ କ’ଣ ଦେଇନାହିଁ ବୋଲି ସେ ପ୍ରଶ୍ନ କରିଛନ୍ତି।
ସୌଜନ୍ୟ ଧରିତ୍ରୀ
