ଲିମା,୨୧।୯: ପେରୁର ଆଙ୍କାଶ (Ancash) ଅଞ୍ଚଳରେ ଏକ ନିର୍ବାଚନ ପ୍ରଚାର ସମୟରେ ସାମ୍ବାଦିକା ତଥା ଆଞ୍ଚଳିକ ଗଭର୍ଣ୍ଣର ପ୍ରାର୍ଥୀ ସୁସି ଆପୋଣ୍ଟେ ପୋଲୋଙ୍କୁ ଗୁଳି କରି ହତ୍ୟା କରାଯାଇଛି। ‘ଲା ଚାଇନା ପୋଲୋ’ (La China Polo) ଭାବେ ପରିଚିତ ସୁସି, କାରାଜ (Caraz) ସହରର ଏକ ବଜାରରେ ଆୟୋଜିତ ନିର୍ବାଚନୀ କାର୍ଯ୍ୟକ୍ରମରେ ଯୋଗ ଦେଇଥିବା ବେଳେ ତାଙ୍କ ଉପରେ ଆକ୍ରମଣ ହୋଇଥିଲା।
ଉଲ୍ଲେଖନୀୟ ବିଷୟ ହେଉଛି, ହତ୍ୟାକାଣ୍ଡର ମାତ୍ର କିଛି ଦିନ ପୂର୍ବରୁ ସେ ସର୍ବସାଧାରଣରେ ଅଭିଯୋଗ କରିଥିଲେ ଯେ ତାଙ୍କ ଉପରେ ଆକ୍ରମଣ କରିବା ପାଇଁ ନିର୍ଦ୍ଦେଶ ଦିଆଯାଇଛି। ନିଜର ସାମ୍ବାଦିକତା ଓ ରାଜନୈତିକ କାର୍ଯ୍ୟକଳାପକୁ ନେଇ ତାଙ୍କୁ ମୃତ୍ୟୁ ଧମକ ମିଳୁଥିବା କଥା ମଧ୍ୟ ସେ ଜଣାଇଥିଲେ। ତେବେ, ସେହି ଧମକଗୁଡ଼ିକ ଏହି ହତ୍ୟାକାଣ୍ଡ ସହ ଜଡ଼ିତ କି ନୁହେଁ, ତାହା କର୍ତ୍ତୃପକ୍ଷ ଏପର୍ଯ୍ୟନ୍ତ ସ୍ପଷ୍ଟ କରିନାହାନ୍ତି।
ପେରୁର ଆଞ୍ଚଳିକ ଓ ପୌର ନିର୍ବାଚନର ୧୫ ଦିନ ପୂର୍ବରୁ ଏହି ହତ୍ୟାକାଣ୍ଡ ଘଟିଛି। ଆଞ୍ଚଳିକ ଗଭର୍ଣ୍ଣର ଓ ମେୟର ପଦ ପାଇଁ ନିର୍ବାଚନ ଅକ୍ଟୋବର ୪ ତାରିଖରେ ଅନୁଷ୍ଠିତ ହେବ। ଜୁଲାଇ ୨୮ରେ କେଇକୋ ଫୁଜିମୋରି (Keiko Fujimori) ରାଷ୍ଟ୍ରପତି ଦାୟିତ୍ୱ ଗ୍ରହଣ କରିବା ପରଠାରୁ ଏହି ନିର୍ବାଚନ ଦେଶବ୍ୟାପୀ ପ୍ରଥମ ନିର୍ବାଚନୀ ପରୀକ୍ଷା ଭାବେ ବିବେଚିତ ହେବ।
ସୌଜନ୍ୟ ଧରିତ୍ରୀ
