Cricket: ଶିଖର ଧାୱନ କ୍ରୋଧିତ, ଟି-୨୦ ଲିଗ୍ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଧମକ

ନୂଆଦିଲ୍ଲୀ: ପୂର୍ବତନ ଭାରତୀୟ କ୍ରିକେଟର ଶିଖର ଧାୱନ  ଏବେ ଏକ ବିବାଦକୁ ନେଇ ଚର୍ଚ୍ଚାକୁ ଆସିଛନ୍ତି। ସେ ବିଶ୍ୱ ଟି-୨୦ କଣ୍ଟିନେଣ୍ଟାଲ କପ୍ ଆୟୋଜକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନେବାକୁ ଧମକ ଦେଇଛନ୍ତି। ଧାୱନ ଅଭିଯୋଗ କରିଛନ୍ତି ଯେ ଆୟୋଜକମାନେ ତାଙ୍କ ଅଜାଣତରେ କିମ୍ବା ଅନୁମତି ବିନା ତାଙ୍କୁ ଅଂଶଗ୍ରହଣକାରୀ ଭାବରେ ଦେଖାଇ ତାଙ୍କ ନାମ ବ୍ୟବହାର କରିଛନ୍ତି। ପୂର୍ବତନ କ୍ରିକେଟର ଏପରି ଅନଧିକୃତ ଖବରକୁ ବିଶ୍ୱାସ ନ କରିବାକୁ ପ୍ରଶଂସକମାନଙ୍କୁ ମଧ୍ୟ ଅନୁରୋଧ କରିଛନ୍ତି।

ଶିଖର ଧାୱନ ସୋସିଆଲ ମିଡିଆରେ ଲେଖିଛନ୍ତି, ମୁଁ ଦେଖିଛି ଯେ ମୋ ନାମ ବିଶ୍ୱ ଟି-୨୦ କଣ୍ଟିନେଣ୍ଟାଲ କପ୍‌ରେ ଅଂଶଗ୍ରହଣକାରୀ ଭାବରେ ଦର୍ଶାଯାଇଛି। ଆୟୋଜକମାନେ ମୋର ଅନୁମତି କିମ୍ବା ଜ୍ଞାନ ବିନା ମୋ ନାମ ବ୍ୟବହାର କରିଛନ୍ତି ଏବଂ ମୋ ଦଳ ସେମାନଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବ। ମୁଁ ଗଣମାଧ୍ୟମ ଏବଂ ପ୍ରଶଂସକମାନଙ୍କୁ ଅନୁରୋଧ କରୁଛି ଯେ କୌଣସି ଅନଧିକୃତ ଖବରକୁ ବିଶ୍ୱାସ ନ କରନ୍ତୁ। ଆପଣଙ୍କ ଭଲ ପାଇବା ଏବଂ ସମର୍ଥନ ପାଇଁ ଧନ୍ୟବାଦ ଜଣାଉଛି।

ସୌଜନ୍ୟ ସମ୍ବାଦ