Garba: ‘ଗରବା’ କାର୍ଯ୍ୟକ୍ରମ ବେଳେ ଅଣହିନ୍ଦୁଙ୍କୁ ମଞ୍ଚ ଛାଡିବାକୁ ପରାମର୍ଶ! ପ୍ରତିକ୍ରିୟା ରଖିଲେ ଲୋକ ଗାୟକ

ଅହମଦାବାଦ: ନବରାତ୍ରି ମହୋତ୍ସବ ସମୟରେ ଅହମଦାବାଦରେ ଅଣହିନ୍ଦୁ ଏବଂ ମୁସଲମାନଙ୍କୁ ଗରବା କାର୍ଯ୍ୟକ୍ରମ ଛାଡିବାକୁ କୁହାଯାଇବା ପରେ ବିବାଦ ଆରମ୍ଭ ହୋଇଛି। କାର୍ଯ୍ୟକ୍ରମ ସହିତ ଜଡିତ ଗୁଜରାଟୀ ଲୋକ ଗାୟକ ଆଦିତ୍ୟ ଗାଢଭି ଘୋଷଣାରୁ ନିଜକୁ ଦୂରେଇ ରଖିଛନ୍ତି, କହିଛନ୍ତି ଯେ ବାର୍ତ୍ତା ତାଙ୍କର ନୁହେଁ।

ସାମାଜିକ ଗଣମାଧ୍ୟମରେ ଭାଇରାଲ ଏକ ଭିଡିଓରେ କାର୍ଯ୍ୟକ୍ରମର ଆଙ୍କର ଏବଂ ରେଡିଓ ଜକି (ଆରଜେ), ଆକାଶ ତ୍ରିବେଦୀ ବୁଧବାର ସହରର ଶେଲା ରୋଡସ୍ଥିତ ସାୱାନା ପାର୍ଟି ପ୍ଲଟରେ ଆୟୋଜିତ ‘ରଙ୍ଗ ମୋର୍ଲା’ କାର୍ଯ୍ୟକ୍ରମର ଅଣହିନ୍ଦୁଙ୍କୁ ମଞ୍ଚ ଛାଡିବାକୁ ଅନୁରୋଧ କରୁଥିବା ଶୁଣାଯାଉଛି। ଗାଢଭି କାର୍ଯ୍ୟକ୍ରମରେ ପ୍ରଦର୍ଶନ କରୁଥିଲେ। ଭିଡିଓରେ ତ୍ରିବେଦୀଙ୍କୁ କହୁଥିବା ଶୁଣାଯାଉଛି, ଯେକୌଣସି ଅଣହିନ୍ଦୁ ଏବଂ ମୁସଲମାନଙ୍କୁ ସଭାସ୍ଥଳ ଛାଡିବାକୁ ଅନୁରୋଧ କରାଯାଉଛି। ସନାତନ ଧର୍ମକୁ ସୁରକ୍ଷା ଦେବା ପାଇଁ ବିଶ୍ୱ ହିନ୍ଦୁ ପରିଷଦ ଏଠାରେ ଅଛି।

କ’ଣ କହିଲେ ଭିଏଚ୍‌ପି ମୁଖପାତ୍ର
ଗୁଜରାଟ ବିଶ୍ୱ ହିନ୍ଦୁ ପରିଷଦ (ଭିଏଚ୍‌ପି) ମୁଖପାତ୍ର ହିତେନ୍ଦ୍ର ସିଂହ ରାଜପୁତ କହିଛନ୍ତି, ଏହା ରାଜ୍ୟରେ ଗରବା କାର୍ଯ୍ୟକ୍ରମ ସମୟରେ ବଜରଙ୍ଗ ଦଳର ସ୍ୱେଚ୍ଛାସେବକମାନଙ୍କ ଦ୍ୱାରା କରାଯାଉଥିବା ଏକ ନିୟମିତ କାର୍ଯ୍ୟକଳାପର ଅଂଶ। ବଜରଙ୍ଗ ଦଳର କର୍ମୀମାନେ ସାଧାରଣତଃ ଅହମଦାବାଦର ଗରବା କାର୍ଯ୍ୟକ୍ରମଗୁଡ଼ିକୁ ଯାଆନ୍ତି ଏବଂ ଆୟୋଜକମାନଙ୍କୁ ଭେଟି ଅଣହିନ୍ଦୁମାନଙ୍କୁ ସ୍ଥଳରେ ପ୍ରବେଶ କରିବାକୁ ବାରଣ କରିବାକୁ ଅନୁରୋଧ କରନ୍ତି। କେତେକ ସମୟରେ ସେମାନେ କାର୍ଯ୍ୟକ୍ରମରେ ଯୋଗ ଦେଉଥିବା ପୁରୁଷଙ୍କ କପାଳରେ ତିଳକ ମଧ୍ୟ ଲଗାନ୍ତି ଏବଂ ସନ୍ଦିଗ୍ଧ ଲୋକଙ୍କୁ ସ୍ଥାନରୁ ବାହାରି ଯିବାକୁ ପରାମର୍ଶ ଦେଇଥାନ୍ତି।

ସୌଜନ୍ୟ ସମ୍ବାଦ