Rajinikanth’s film: ରିଲିଜ୍ ହେଉ ହେଉ ବକ୍ସ ଅଫିସ୍‌ରେ ଧମାକା କଲା ରଜନୀକାନ୍ତଙ୍କ ‘ଜେଲର୍ ୨’

ସାଢ଼େ ୪ଟା ସୁଦ୍ଧା ଆୟ ୨୯.୩୯ କୋଟି

ତଥ୍ୟ ଅନୁଯାୟୀ, ‘ଜେଲର୍ ୨’ ଅପରାହ୍ଣ ସାଢ଼େ ୪ଟା ସୁଦ୍ଧା ୨୯.୩୯ କୋଟି ଟଙ୍କା ଆୟ କରିଛି। ଫିଲ୍ମଟିକୁ ମୋଟ ୯,୭୦୧ଟି ସୋ’ ମିଳିଥିବା ବେଳେ ଦର୍ଶକ ଉପସ୍ଥିତି ହାର ୪୭ ପ୍ରତିଶତ ରହିଛି।

ବିଭିନ୍ନ ଭାଷାରେ ଫିଲ୍ମଟିର ଆୟ ନିମ୍ନଲିଖିତ ଭାବେ ରହିଛି।

ତାମିଲ୍‌: ୨୨.୮୦ କୋଟି ଟଙ୍କା। ଦର୍ଶକ ଉପସ୍ଥିତି ୬୦.୮ ପ୍ରତିଶତ ଏବଂ ୫,୫୮୨ଟି ସୋ’।

ତେଲୁଗୁ: ୪.୮୨ କୋଟି ଟଙ୍କା। ଦର୍ଶକ ଉପସ୍ଥିତି ୪୭.୩ ପ୍ରତିଶତ ଏବଂ ୧,୫୪୨ଟି ‌ସୋ’।

ହିନ୍ଦୀ: ୧.୫୬ କୋଟି ଟଙ୍କା। ଦର୍ଶକ ଉପସ୍ଥିତି ୧୬ ପ୍ରତିଶତ ଏବଂ ୨,୫୦୭ଟି ସୋ’।

କନ୍ନଡ଼: ୨୧ ଲକ୍ଷ ଟଙ୍କା। ଦର୍ଶକ ଉପସ୍ଥିତି ୪୮ ପ୍ରତିଶତ ଏବଂ ୭୦ଟି ସୋ’।

ଏଯାଏଁ ଫିଲ୍ମର ପ୍ରଥମ ଦିନର ଚୂଡ଼ାନ୍ତ ଆୟ ରିପୋର୍ଟ ପ୍ରକାଶ ପାଇନାହିଁ। ରାତି ସାଢ଼େ ୧୦ଟା ସୁଦ୍ଧା ଓପନିଂ ଡେ’ର ଚୂଡ଼ାନ୍ତ ଆୟ ସାମ୍ନାକୁ ଆସିବା ଆଶା କରାଯାଉଛି।

ପ୍ରଥମ ଦିନର ଆୟରେ ଏହି ୧୩ଟି ଫିଲ୍ମକୁ ପଛରେ ପକାଇଲା

‘ଜେଲର୍ ୨’ ପ୍ରଥମ ଦିନର ଆୟ କ୍ଷେତ୍ରରେ ନିମ୍ନଲିଖିତ ୧୩ଟି ଫିଲ୍ମକୁ ପଛରେ ପକାଇଥିବା ରିପୋର୍ଟରେ ଦାବି କରାଯାଇଛି।

‘ଇରୁମୁଡି’ – ୧୫.୩୦ କୋଟି ଟଙ୍କା

‘ଦ ଓଡିସି’ – ୧୭.୪୦ କୋଟି ଟଙ୍କା

‘ଆଡୁ ୩’ – ୬.୦୩ କୋଟି ଟଙ୍କା

‘ବେଥଲେହେମ୍ କୁଡୁମ୍ବା ୟୁନିଟ୍’ – ୪.୯ କୋଟି ଟଙ୍କା

‘ଡକାୟତ’ – ୬.୫୫ କୋଟି ଟଙ୍କା

‘ରାଜା ଶିବାଜୀ’ – ୧୧.୩୫ କୋଟି ଟଙ୍କା

‘ଆୱାରାପନ୍ ୨’ – ୨୨ କୋଟି ଟଙ୍କା

‘ୱେଲକମ୍ ଟୁ ଦ ଜଙ୍ଗଲ୍’ – ୧୯ କୋଟି ଟଙ୍କା

‘ଭୂତ ବଙ୍ଗଳା’ – ୧୨.୨୫ କୋଟି ଟଙ୍କା

‘ଧମାଲ୍ ୪’ – ୧୪ କୋଟି ଟଙ୍କା

‘କକଟେଲ୍ ୨’ – ୧୩.୫୦ କୋଟି ଟଙ୍କା

‘ଆଲ୍‌ଫା’ – ୯.୨୫ କୋଟି ଟଙ୍କା

‘ଖଲିଫା’ – ୫.୩୫ କୋଟି ଟଙ୍କା

ଆକ୍ସନ୍ ଓ କମେଡିରେ ଭରପୂର ଫିଲ୍ମ

‘ଜେଲର୍ ୨’ ଏକ ଆକ୍ସନ୍-କମେଡି ଫିଲ୍ମ। ଏହାର ଅବଧି ୨ ଘଣ୍ଟା ୪୬ ମିନିଟ୍। ନେଲସନ୍ ଦିଲୀପକୁମାର ଏହାର ନିର୍ଦ୍ଦେଶନା ଦେଇଥିବା ବେଳେ କଳାନିଧି ମାରନ୍ ଫିଲ୍ମଟିର ପ୍ରଯୋଜନା କରିଛନ୍ତି। ଅନିରୁଦ୍ଧ ରବିଚନ୍ଦର ଏହାର ସଙ୍ଗୀତ ନିର୍ଦ୍ଦେଶକ। ଫିଲ୍ମରେ ରଜନୀକାନ୍ତଙ୍କ ବ୍ୟତୀତ ବିଦ୍ୟା ବାଲନ୍, ମିର୍ନା ମେନନ୍, ମୋହନଲାଲ୍, ହ୍ରିତିକ୍ ରୋଶନ୍, ଯୋଗୀ ବାବୁ, ବିନାୟକନ୍ ଏବଂ ଶିବ ରାଜକୁମାରଙ୍କ ଭଳି ଅଭିନେତା ନଜର ଆସିଛନ୍ତି। ଫିଲ୍ମଟିକୁ ଦର୍ଶକଙ୍କ ପସନ୍ଦ ମିଳୁଥିବାରୁ ଆଗକୁ ଏହାର ଆୟ ଆହୁରି ବଢ଼ିବା ଆଶା କରାଯାଉଛି।