Drone attack: ସୁଦାନର ବଜାରରେ ବଡ଼ଧରଣର ଆକ୍ରମଣ, ଛୋଟପିଲାଙ୍କୁ ଟର୍ଗେଟ୍‌

ନାଇରୋବି: ବିବାଦୀୟ ଆବେଇ ଅଞ୍ଚଳର ଏକ ବଜାରରେ ସୁଦାନର ସେନା ଡ୍ରୋନ୍ ଆକ୍ରମଣ କରିଛି, ଯେଉଁଥିରେ ୧୫୦ରୁ ଅଧିକ ଲୋକ ପ୍ରାଣ ହରାଇଛନ୍ତି। ସୋମବାର ମଧ୍ୟାହ୍ନ ସମୟରେ ଏହି ଆକ୍ରମଣ ଘଟିଥିଲା। ଆବେଇର କାର୍ଯ୍ୟକାରୀ ସୂଚନା ମନ୍ତ୍ରୀ ୟୋହାନା ଆକୋଲ୍ ଙ୍ଗୋର୍ ମଙ୍ଗଳବାର କହିଛନ୍ତି, ମୃତ୍ୟୁ ସଂଖ୍ୟା ୭୩ରୁ ୧୫୩ କୁ ବୃଦ୍ଧି ପାଇଛି। ସେ କୌଣସି ପ୍ରମାଣ ପ୍ରଦାନ ନକରି କହିଛନ୍ତି ଯେ ଏହି ଆକ୍ରମଣ ପାଇଁ ସୁଦାନର ସେନା ଦାୟୀ।

ସୁଦାନର ସଶସ୍ତ୍ର ବାହିନୀର ଜଣେ ମୁଖପାତ୍ର ତୁରନ୍ତ ମନ୍ତବ୍ୟ ପାଇଁ ଅନୁରୋଧର ଉତ୍ତର ଦେଇ ନାହାଁନ୍ତି। ତିନୋଟି କୂଟନୈତିକ ସୂତ୍ର କହିଛନ୍ତି ଯେ ଏହି ଆକ୍ରମଣ ବଜାରରେ ଅବସ୍ଥିତ ଏକ ଇନ୍ଧନ ଡିପୋକୁ ଟାର୍ଗେଟ କରିଥିଲା। ଆସୋସିଏଟେଡ୍ ପ୍ରେସ୍ ଅନୁଯାୟୀ ଜଣେ ସାଂସଦ ମଙ୍ଗଳବାର ଦିନ ରିପୋର୍ଟ କରିଛନ୍ତି ଯେ ଆଇଏସ୍‌ଆଇଏସ୍‌ ସଂଯୁକ୍ତ ଆତଙ୍କବାଦୀମାନେ ସପ୍ତାହାନ୍ତରେ ପୂର୍ବ ମାଲିର ମେନାକା ଅଞ୍ଚଳରେ ଆକ୍ରମଣ କରିଥିଲେ, ଯେଉଁଥିରେ ୪୮ ଜଣ ପ୍ରାଣ ହରାଇଥିଲେ। ମୃତକଙ୍କ ମଧ୍ୟରେ ଶିଶୁ ଏବଂ ବୃଦ୍ଧ ଥିଲେ।

ସୌଜନ୍ୟ ସମ୍ବାଦ