ରିଆଦ: ସାଉଦି ବେସାମରିକ ବିମାନ ଚଳାଚଳ କର୍ତ୍ତୃପକ୍ଷଙ୍କ ଅନୁଯାୟୀ ବୁଧବାର ସନ୍ଧ୍ୟାରେ ପୂର୍ବ ସାଉଦି ଆରବର ଦମ୍ମାମ୍ରେ ଥିବା କିଙ୍ଗ ଫାହଦ୍ ଅନ୍ତର୍ଜାତୀୟ ବିମାନବନ୍ଦରରେ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଏବଂ ଆଠ ଜଣ ଆହତ ହୋଇଛନ୍ତି। ଆହତଙ୍କ ଅବସ୍ଥା ସାମାନ୍ୟରୁ ଗୁରୁତର ପର୍ଯ୍ୟନ୍ତ ଥିଲା ବୋଲି କର୍ତ୍ତୃପକ୍ଷ ଏକ ବିବୃତ୍ତିରେ କହିଛନ୍ତି।
ବିମାନବନ୍ଦର ଉପରେ ଆକ୍ରମଣର ସଠିକ୍ କାରଣ ଜଣାପଡ଼ି ନାହିଁ। କିନ୍ତୁ ୟେମେନର ଇରାନ ସମର୍ଥିତ ହୁତି ବିଦ୍ରୋହୀମାନେ ସାଉଦି ବିମାନବନ୍ଦର ଉପରେ ଗତ କିଛି ଦିନ ଧରି ପ୍ରୋଜେକ୍ଟାଇଲ୍ ସହିତ ବାରମ୍ବାର ଆକ୍ରମଣ କରିଛନ୍ତି। ଏହି ଆକ୍ରମଣ ଏହି ଅଞ୍ଚଳରେ ବଢ଼ୁଥିବା ଉତ୍ତେଜନା ମଧ୍ୟରେ ହୋଇଛି, ଯେଉଁଠାରେ ହୁଥି ଆକ୍ରମଣ ପୂର୍ବରୁ ଅନେକ ସାଉଦି ବିମାନବନ୍ଦରକୁ ପ୍ରଭାବିତ କରିଛି।
ଆମେରିକୀୟ ବୈଦେଶିକ ବିଭାଗ ବୁଧବାର ଦିନ କହିଛି ଯେ ୱାସିଂଟନ୍ ସାଉଦି ଆରବରେ ଥିବା ଅଣ-ଅତ୍ୟାବଶ୍ୟକୀୟ ଆମେରିକୀୟ ଦୂତାବାସ କର୍ମଚାରୀ ଏବଂ ସେମାନଙ୍କ ପରିବାରକୁ ଦେଶ ଛାଡିବାକୁ ନିର୍ଦ୍ଦେଶ ଦେଇଛି। କାରଣ ୟେମେନର ହୁତି ବିଦ୍ରୋହୀମାନେ ସାଉଦି ଆରବ ଉପରେ ଘାତକ ଆକ୍ରମଣ ଜାରି ରଖିଛନ୍ତି।
ସମସ୍ତ ଆମେରିକୀୟ କର୍ମଚାରୀ ଏବଂ ସେମାନଙ୍କ ପରିବାରକୁ ଉପସାଗରୀୟ ରାଷ୍ଟ୍ରରେ ଥିବା ଆମେରିକୀୟ ଦୂତାବାସ ଛାଡିବାକୁ ନିର୍ଦ୍ଦେଶ ଦିଆଯାଇଛି। ସାଉଦି ଆରବର ଶାୟବା ତୈଳକ୍ଷେତ୍ରରେ ହୋଇଥିବା ଆକ୍ରମଣରେ ଜଣେ ଭାରତୀୟ ନାଗରିକ ଆହତ ହୋଇଛନ୍ତି ବୋଲି ଦୂତାବାସ ସୂଚନା ଦେଇଛି। ସାଉଦି ଆରବରେ ଥିବା ଭାରତର ଦୂତାବାସ ଏହାକୁ ନିଶ୍ଚିତ କରିଛି। ଦୂତାବାସ ‘ଏକ୍ସ’ରେ ପୋଷ୍ଟ କରିଛି ଆଜି ଶାୟବା ତୈଳକ୍ଷେତ୍ରରେ ହୋଇଥିବା ଆକ୍ରମଣରେ ଜଣେ ଭାରତୀୟ ନାଗରିକ ଆହତ ହୋଇଥିବା ଦୂତାବାସ ଜାଣିବାକୁ ପାଇଛି। ଆମେ ସାଉଦି କର୍ତ୍ତୃପକ୍ଷଙ୍କ ସହିତ ଯୋଗାଯୋଗରେ ଅଛୁ ଏବଂ ଅଧିକ ସୂଚନା ଅପେକ୍ଷା କରିଛୁ। ଆହତ ଭାରତୀୟ ନାଗରିକଙ୍କୁ ସମସ୍ତ ସମ୍ଭାବ୍ୟ ସହାୟତା ଯୋଗାଇ ଦିଆଯିବ।
ସୌଜନ୍ୟ ସମ୍ବାଦ
