ରାଷ୍ଟ୍ରପତି ହେଲେ ଏହି ବ୍ୟକ୍ତିଙ୍କୁ ପ୍ରଥମେ ବାହାର କରିବି: ଟ୍ରମ୍ପ

ନୂଆଦିଲ୍ଲୀ: ଆମେରିକାର ପରବର୍ତ୍ତୀ ରାଷ୍ଟ୍ରପତି କିଏ ହେବେ ସେନେଇ ସବୁଆଡେ ଆଲୋଚନା ହେଉଛି। ଏହାର କାରଣ ହେଉଛି ବର୍ତ୍ତମାନ ବିଶ୍ୱର ବିଭିନ୍ନ ଦେଶରେ ଯୁଦ୍ଧ ଚାଲିଛି ଏବଂ ଏପରି ପରିସ୍ଥିତିରେ ଯିଏ ଆମେରିକାର ରାଷ୍ଟ୍ରପତି ହେବେ ସେ ସାରା ବିଶ୍ୱରେ ଶାନ୍ତି ପ୍ରତିଷ୍ଠା କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ। ଏଥର ରାଷ୍ଟ୍ରପତି ପ୍ରାର୍ଥୀ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ବର୍ତ୍ତମାନର ଉପରାଷ୍ଟ୍ରପତି କମଲା ହାରିସଙ୍କ ମଧ୍ୟରେ ଲଢେଇ ଚାଲିଛି ।

ବାସ୍ତବରେ ନିଜ ବିବୃତ୍ତି ପାଇଁ ଟ୍ରମ୍ପ ପ୍ରାୟତଃ ଚର୍ଚ୍ଚାରେ ଥାଆନ୍ତି। ବର୍ତ୍ତମାନ ନିର୍ବାଚନ ମଧ୍ୟରେ ସେ ପୁଣି ଏଭଳି ବିବୃତ୍ତି ଦେଇଛନ୍ତି ଯାହା ଆମେରିକାର ସବୁଆଡେ ଆଲୋଚନା ହେଉଛି। ବାସ୍ତବରେ ପୂର୍ବତନ ରାଷ୍ଟ୍ରପତି କହିଛନ୍ତି ଯେ ହ୍ୱାଇଟ ହାଉସରେ ପହଞ୍ଚିବା ମାତ୍ରେ ସେ ପ୍ରଥମେ ସ୍ପେଶାଲ କାଉନସେଲର ବା ବିଶେଷ ଓକିଲ ଜ୍ୟାକ ସ୍ମିଥଙ୍କୁ ବରଖାସ୍ତ କରିବେ ।

ଏକ ସାକ୍ଷାତକାରରେ ଟ୍ରମ୍ପଙ୍କୁ ପଚରାଯାଇଥିଲା ଯେ ସେ ଯେଉଁ ଦିନ ଶପଥ ଗ୍ରହଣ କରିବେ ସେ ଦିନ ସ୍ମିଥଙ୍କୁ ବରଖାସ୍ତ କରିବାକୁ ଯୋଜନା କରିଛନ୍ତି କି? ଟ୍ରମ୍ପ ଏହାର ଜବାବ ଦେଇ କହିଛନ୍ତି ଯେ ଯଦି ସେ ପୁନର୍ବାର ନିର୍ବାଚିତ ହୋଇ ହ୍ୱାଇଟ ହାଉସକୁ ଆସନ୍ତି, ତେବେ ସେ ତୁରନ୍ତ ଜ୍ୟାକ୍ ସ୍ମିଥଙ୍କୁ ବହିଷ୍କାର କରିବେ, ଯିଏକି ତାଙ୍କ ବିରୋଧରେ ଦୁଇଟି ଫେଡେରାଲ୍ ଅଭିଯୋଗ ଆଣିଥିଲେ। ଆମେରିକାର ରାଷ୍ଟ୍ରପତି ନିର୍ବାଚନ ୫ ନଭେମ୍ବର ୨୦୨୪ରେ ହେବ । ଯିଏ ବିଜୟୀ ହେବେ ସେ ତାଙ୍କ କାର୍ଯ୍ୟକାଳ ଜାନୁୟାରୀ ୨୦୨୫ରେ ଆରମ୍ଭ କରିବେ ଏବଂ ଚାରି ବର୍ଷ କାର୍ଯ୍ୟ କରିବେ। ରାଷ୍ଟ୍ରପତିଙ୍କ ସହ ଆମେରିକାର ନାଗରିକମାନେ ମଧ୍ୟ କଂଗ୍ରେସର ନୂତନ ସଦସ୍ୟ ଚୟନ କରିବାକୁ ଭୋଟ୍ ଦେବେ, ଯେଉଁମାନେ କୌଣସି ବିଲ୍ କିମ୍ବା ଆଇନ ପାସ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି। ଆମେରିକାର ରାଷ୍ଟ୍ରପତି ନିଜେ କିଛି ଆଇନ ପ୍ରଣୟନ କରିବାର ଅଧିକାର ପାଇଛନ୍ତି, କିନ୍ତୁ ଅଧିକାଂଶ ଆଇନ ସଂସଦ ସହାୟତାରେ ପାରିତ ହେବାକୁ ପଡିବ। ଏଥର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରିପବ୍ଲିକାନ୍ ପାର୍ଟିରୁ ଏବଂ ଡେମୋକ୍ରାଟ୍ସରୁ ଉପରାଷ୍ଟ୍ରପତି କମଲା ହାରିସ୍ ଦୋୖଡରେ ଅଛନ୍ତି।

ସୌଜନ୍ୟ – ସମ୍ବାଦ