ନୂଆ ଅଭିନେତ୍ରୀଙ୍କୁ କମ୍ପ୍ରମାଇଜ୍‌ କରିବାକୁ କହୁଛନ୍ତି ସଞ୍ଜୟ ନାୟକ: ପ୍ରକୃତି

ଭୁବନେଶ୍ୱର: ଏକ ଘରୋଇ ଚ୍ୟାନେଲରେ ଅଭିନେତ୍ରୀ ପ୍ରକୃତି ମିଶ୍ର ଅଭିଯୋଗ କରିଥିଲେ, ପ୍ରଯୋଜକ ସଞ୍ଜୟ ନାୟକ କାଷ୍ଟିଂ କାଉଚ୍‌ରେ ସମ୍ପୃକ୍ତ। ଅଭିନୟ ଜଗତକୁ ନୂଆ ନୂଆ ଆସୁଥିବା ଅନେକ ଝିଅଙ୍କୁ କମ୍ପ୍ରମାଇଜ୍‌ କରିବାକୁ ସେ କହନ୍ତି । ସେମାନଙ୍କୁ ଶୋଷଣ କରାଯାଏ। ଏନେଇ କିଛି ଝିଅ ହ୍ୱାଟ୍ସଆପ୍‌ ଚାଟ୍‌ରେ ଉଲ୍ଲେଖ କରିଥିବା ପ୍ରକୃତି କହିଥିଲେ।

ଅଭିନେତ୍ରୀ ପ୍ରକୃତି ମିଶ୍ରଙ୍କ ଅଭିଯୋଗକୁ ପ୍ରଯୋଜକ ସଞ୍ଜୟ ନାୟକ ଖଣ୍ଡନ କରିଛନ୍ତି। ସେ କହିଛନ୍ତି, ‘ପ୍ରକୃତି ମିଶ୍ର ମିଛ କହୁଛନ୍ତି। ଏଥିପାଇଁ ପ୍ରକୃତିଙ୍କ ବିରୋଧରେ ଆଇନଗତ ପଦକ୍ଷେପ ନେବି।’

ପ୍ରକୃତିଙ୍କ ଅଭିଯୋଗ ଉପରେ ସଞ୍ଜୟ କହିଛନ୍ତି, ଏହା ଏକ କପୋଳକଳ୍ପିତ ଅଭିଯୋଗ। ପୁରା ମିଛ। ଯଦି କିଛି ଅଭିଯୋଗ ଆଣୁଛନ୍ତି, ତେବେ ତଥ୍ୟ ପ୍ରମାଣ ସହିତ ଅଭିଯୋଗ କରନ୍ତୁ ବୋଲି ସଞ୍ଜୟ ଚ୍ୟାଲେଞ୍ଜ ଦେଇଛନ୍ତି। ସେପଟେ ଓଡ଼ିଆ ସିନେମାରେ କାଷ୍ଟିଂ କାଉଚ୍ ଅଭିଯୋଗ ନେଇ ବଢ଼ିଲା କଳି। ସଂପୃକ୍ତ ୨ ଅଭିନେତ୍ରୀଙ୍କ ନାଁରେ ଲିଗାଲ ଆକ୍ସନ ନେବି ବୋଲି ପ୍ରଡ୍ୟୁସର ସଞ୍ଜୟ ନାୟକ ଓରଫ ଟୁଟୁ ନାୟକ କହିଛନ୍ତି।

ଓଡ଼ିଆ ଫିଲ୍ମର ଭିତିରି କଥା ନେଇ ୩ ଅଭିନେତ୍ରୀ ଚାଟିଂରେ କଥା ହେଉଥିଲେ। ପରସ୍ପର ଭିତରର ଚାଟିଂ ଭାଇରାଲ ହେବା ପରେ ଏବେ ବିବାଦ ସୃଷ୍ଟି ହୋଇଛି।