କନ୍ଧମାଳ ଜିଲ୍ଲା ମହିଳା ଶକ୍ତି ପକ୍ଷରୁ କ.ନୂଆଁଗା ଠାରେ ବ୍ଲକ୍ ସ୍ତରୀୟ କର୍ମୀ ସମ୍ମିଳନୀ

ଫୁଲବାଣୀ: କନ୍ଧମାଳ ଜିଲ୍ଲା ମହିଳା ଶକ୍ତି ସଂଗଠନ ପକ୍ଷରୁ  କ.ନୂଆଗାଁ ଠାରେ ଏକ ବ୍ଲକ୍ ସ୍ତରୀୟ ସମ୍ମିଳନୀ ଅନୁଷ୍ଟିତ ହୋଇଯାଇଅଛି । ଏହି ସମ୍ମିଳନୀରେ କ.ନୂଆଗଁ ବ୍ଲକ୍ ଓ ପଞ୍ଚ୍ୟାୟତର ସମସ୍ତ ପଦାଧିକାରୀଙ୍କ ଯୋଗଦାନ କରିଥିଲେ । ମହିଳା ଶକ୍ତି ସଂଗଠନ ର ପଦାଧିକାରୀମାନେ ନିଜ ନିଜ ଭାଷଣରେ ଏହି ସଂଗଠନ ଯୋଜନା ମାଧ୍ୟମରେ ବିଧବା ସ୍ବାମୀ ପରିତକ୍ୟତା ମହିଳାମାନେ କିପରି ଲାଭବାନ ହୋଇପାରିବେ ଏହାକୁ ନେଇ ପ୍ରକାଶ କରିଥିଲେ । ଜିଲ୍ଲା ମହିଳା ଶକ୍ତିର ଅଧ୍ୟକ୍ଷା ସୁଭ୍ରାଞ୍ଜଳୀ ଦିଗାଳ ନିଜ ଭାଷଣ ପ୍ରସଙ୍ଗରେ କହିଲେକି ଆଜିର ସମାଜରେ ମହିଳା ମାନେ ବହୁତ୍ ଉପେକ୍ଷିତ ହେଉଥିବା ନଜରକୁ ଆସିଅଛି । ମହିଳା ଶକ୍ତି ସଂଗଠନ ମହିଳାମାନଙ୍କୁ ସାହାଯ୍ୟ ସହୋଯୋଗ କରିବାକୁ ଆଗେଇ ଆସିଥିବା ପ୍ରକାଶ କରିଥିଲେ । ଏହି ପରିପକ୍ଷରେ କ.ନୂଆଗାଁ ମହିଳା ଶକ୍ତି ସଂଗଠନର ବ୍ଲକ୍ ଅଧ୍ୟକ୍ଷ ରାଜଦେବ ପ୍ରଧାନ ସଂଗଠନର ସମସ୍ତ କାର୍ଯ୍ୟକର୍ତ୍ତାଙ୍କ ମିଳିତ ସହଯୋଗ କାମନା କରିଥିଲେ । ସଂଗଠନ ର ନଳିନୀ ନାୟକ ସମ୍ମିଳନୀକୁ ପରିଚାଳନା କରିଥିଲେ ।

ଏଥି ପୂର୍ବରୁ ଜିଲ୍ଲାର କୋଠାଡ , ତୁମୁଡ଼ିବନ୍ଧ , ଟିକାବାଲି , ସହ ରାଇକିଆ ବ୍ଲକ୍ ମାନଙ୍କରେ ଜିଲ୍ଲା ମହିଳା ଶକ୍ତି ସଂଗଠନ ପକ୍ଷରୁ କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଅଛି । ଆଗାମୀ ଦିନରେ ଜିଲ୍ଲାର ସମସ୍ତ ବ୍ଲକ୍ ମାନଙ୍କରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଥିବା ନେଇ ସଂଘ ପକ୍ଷରୁ କୁହାଯାଇଛି ।