ଚଳଚ୍ଚିତ୍ର ଅଭିନେତା ଆଶିଷ ବିଦ୍ୟାର୍ଥୀ ତାଙ୍କ ଚଳଚ୍ଚିତ୍ର ବ୍ୟତୀତ ତାଙ୍କର ବ୍ଲଗ୍ ପାଇଁ ମଧ୍ୟ ଜଣାଶୁଣା। ଆଶିଷ ଦେଶ ସାରା ଭ୍ରମଣ କରନ୍ତି, ବିଭିନ୍ନ ସଂସ୍କୃତିକୁ ଅନୁସନ୍ଧାନ କରନ୍ତି ଏବଂ ସ୍ଥାନୀୟ ଖାଦ୍ୟର ମଜା ନିଅନ୍ତି।
ଆଶ୍ଚର୍ଯ୍ୟର କଥା ହେଉଛି ଯେ ଫିଲ୍ମ ଇଣ୍ଡଷ୍ଟ୍ରିରେ କାମ କରୁଥିବା ପ୍ରତ୍ୟେକ ଅଭିନେତା ଯେତେବେଳେ ନିଜ ସ୍ୱାସ୍ଥ୍ୟ ପ୍ରତି ଏତେ ସଚେତନ ଏବଂ ଡାଏଟ୍ ଫୁଡ୍ ଖାଆନ୍ତି, ସେତେବେଳେ ଆଶିଷ ଡାଏଟିଂଠାରୁ ବହୁତ ଦୂରରେ ଅଛନ୍ତି ଏବଂ ସମସ୍ତ ପ୍ରକାରର ଖାଦ୍ୟ ଉପଭୋଗ କରନ୍ତି।
ଆଶିଷ ପ୍ରାୟତଃ ତାଙ୍କ ଇନଷ୍ଟାଗ୍ରାମ ଏବଂ ୟୁଟ୍ୟୁବରେ ଏଭଳି ଖାଦ୍ୟ ଭିଡିଓ ସେୟାର କରନ୍ତି ଯାହାକୁ ଦେଖିଲେ କାହାର ବି ପାଟିରୁ ଲାଳ ଗଡିଯିବ। ଅଭିନେତା ବର୍ତ୍ତମାନ ପୁଣେ ଗସ୍ତ କରିଥିଲେ। ସେଠାରେ ସେ ଏତେ ଆନନ୍ଦରେ ଡିପ୍-ଫ୍ରାଏଡ୍ ଆଇଟମ ଖାଇଥିଲେ ଯେ ଆପଣ ଦେଖିଲେ ସେଠାକୁ ଯିବାକୁ ମନ କରିବେ।
ଆଶିଷ ତାଙ୍କ ଭିଡିଓରେ କହୁଛନ୍ତି ଯେ ସେ ଏକ କାର୍ଯ୍ୟକ୍ରମ ପାଇଁ ପୁଣେ ଯାଇଥିଲେ। କାର୍ଯ୍ୟକ୍ରମ ଶେଷ ହେବା ପରେ, ତାଙ୍କୁ କିଛି ଭଲ ଦେଶୀ ଖାଦ୍ୟ ଖାଇବାକୁ ଇଚ୍ଛା ହେଲା, ତେଣୁ ସେ ଏକ ବଡାପାୱ୍ ଷ୍ଟଲକୁ ଗଲେ। ସେ ଆଗରୁ ବି ଏଠାକୁ ଯାଇଥିଲେ।
ଭିଡିଓରେ ଆପଣ ଦେଖିପାରିବେ ଯେ ଅଭିନେତା ବଡାପାୱ୍ ଷ୍ଟଲକୁ ପାଖରେ ପହଞ୍ଚିବା ମାତ୍ରେ ଦୋକାନୀ ତାଙ୍କୁ ଦେଖି ବହୁତ ଖୁସି ହୋଇଯାଆନ୍ତି। ସେ ତାଙ୍କୁ କୁହନ୍ତି ଯେ ସେ ତାଙ୍କ ହ୍ୱାଟ୍ସଆପରେ ଅଭିନେତାଙ୍କ ଷ୍ଟାଟସ୍ ପୋଷ୍ଟ କରିଥିଲେ ଯେତେବେଳେ ପୂର୍ବ ଥର ଆସିଥିଲେ। ତା’ପରେ ଅଭିନେତା ବୁଝାନ୍ତି ଯେ ତାଙ୍କ ଶେଷ ଗସ୍ତର କଣ୍ଟେଣ୍ ଖରାପ ହୋଇଯାଇଛି, ତେଣୁ ସେ ଆଜି ଆଉଥରେ ଆସିଛନ୍ତି।
ତା’ପରେ ଅଭିନେତା ଷ୍ଟଲରେ ଠିଆ ହୋଇ ବଡାପାୱ, ଆଳୁ ପକୁଡି ଆଉ ପିଆଜ ଖାଆନ୍ତି। ଯେତେବେଳେ ସେ ବଡାପାୱ କାମୁଡ଼ି ଦିଅନ୍ତି, ଲଙ୍କା ଯୋଗୁଁ ତାଙ୍କ ଜିଭ ପୋଡେ। ପାଖରେ ଥିବା ଜଣେ ମହିଳା ତାଙ୍କୁ କୁହନ୍ତି ଫୁଙ୍କି ପୁଙ୍କି ଖାଇବାକୁ।
ତେବେ ଏହି ଦୃଶ୍ୟ ଦେଖିଲେ ଆପଣଙ୍କୁ ଲାଗିବ ନାହିଁ ଯେ ସେ ଜଣେ ବଡ ସେଲିବ୍ରେଟୀ। ସେ ଜଣେ ସାଧାରଣ ଲୋକଙ୍କ ପରି ଷ୍ଟଲରେ ଠିଆ ହୋଇ ଖାଦ୍ୟର ମଜା ନେଉଛନ୍ତି, ତାହା ମଧ୍ୟ ବହୁତ ଖୁସିର ସହିତ। ଖାଲି ସେତିକି ନୁହେଁ ନିଜେ ମଧ୍ୟ ଛାଣୁଛନ୍ତି।
ସୌଜନ୍ୟ OTV
