Cold War: ଶୀତଯୁଦ୍ଧ କାଳର କଟକଣା ପତନ: ଅଣୁ ଅସ୍ତ୍ର ପ୍ରତିଯୋଗିତାର ଅଭ୍ୟୁଦୟ

ଭିଏନା: ପରମାଣୁ ସଂଯମତା ଏବଂ ମହାଶକ୍ତିଙ୍କ ସୁରକ୍ଷା ବଳୟ ଉପରେ ଆଧାରିତ ୧୯୪୫ ପରବର୍ତ୍ତୀ ଅନ୍ତର୍ଜାତୀୟ ବ୍ୟବସ୍ଥା ଏବେ ଏକ ଗଭୀର ସଙ୍କଟ ଦେଇ ଗତି କରୁଛି। ଦିନେ ପରମାଣୁ ଅସ୍ତ୍ର ଅପ୍ରସାର ଚୁକ୍ତି (ଏନ୍‌ପିଟି) ଦ୍ୱାରା ନିୟନ୍ତ୍ରିତ ବିଶ୍ୱ ଏବେ  ରଣନୈତିକ ସ୍ୱାଧୀନତା ପାଇଁ ଏକ ଅସ୍ଥିର ଏବଂ ବିପଜ୍ଜନକ ପ୍ରତିଯୋଗିତାରେ ପରିଣତ ହୋଇଛି। ଏହି ପରିବର୍ତ୍ତନ କେବଳ ଅସ୍ତ୍ରଶସ୍ତ୍ରର ସଂଖ୍ୟା ବଢ଼ାଇବା ପାଇଁ ନୁହେଁ, ବରଂ ଏହା ଏକ ଗଭୀର ମାନସିକ ପରିବର୍ତ୍ତନ ଉପରେ ପର୍ଯ୍ୟବସିତ।  ଆମେରିକା ନିଜର ସହଯୋଗୀ ରାଷ୍ଟ୍ରମାନଙ୍କୁ ଦେଇଥିବା ସୁରକ୍ଷା ଗ୍ୟାରେଣ୍ଟି ପ୍ରତି ବିଶ୍ୱାସ ହ୍ରାସ ପାଇବା ଏବଂ ରୁଷ୍‌ ଓ ଚୀନ୍ ନିଜର ଆଣବିକ କ୍ଷମତାକୁ ଅତି ଦ୍ରୁତ ଗତିରେ ବୃଦ୍ଧି କରୁଥିବାରୁ ଏବେ ସ୍ଥିତି ବଦଳିଯାଇଛି। ଅନେକ ଦେଶ ପାଇଁ ପରମାଣୁ କ୍ଲବରେ ପ୍ରବେଶ କରିବା ଏବେ ଏକ ବାଧ୍ୟବାଧକତା ହୋଇପଡ଼ିଛି। ମଧ୍ୟପ୍ରାଚ୍ୟରେ ଇରାନର ପରମାଣୁ ଭିତ୍ତିଭୂମିକୁ ନେଇ ଚାଲିଥିବା ସାମରିକ ସଂଘର୍ଷ ଏକ ସ୍ପଷ୍ଟ ସଙ୍କେତ ଦେଉଛି ଯେ, ଆଧୁନିକ ଯୁଗର ଯୁଦ୍ଧରେ କୌଣସି ଅନ୍ତର୍ଜାତୀୟ ନିୟମ ଆଉ ସୁରକ୍ଷା ଦେବାକୁ ସମର୍ଥ ନୁହେଁ।

ସୌଜନ୍ୟ ସମ୍ବାଦ