3 Idiots 2: ସିଲଭର ସ୍କ୍ରିନ୍କୁ ଫେରୁଛି ’୩ ଇଡିଅଟ୍ସ ସିକ୍ଵେଲ’, ହିଣ୍ଟ ଦେଲେ ଆମିର ଖାନ;
ନୂଆଦିଲ୍ଲୀ ୨୯।୦୪: ଆମିର ଖାନ ଏବଂ ଆର. ମାଧବନ ଷ୍ଟାରର୍ ଆଇକନିକ୍ ଫିଲ୍ମ ‘୩ ଇଡିଅଟ୍ସ’ ୨୦୦୮ ମସିହାରେ ରିଲିଜ୍ କରିଥିଲା। ଦର୍ଶକ ଏହି ଫିଲ୍ମକୁ ଖୁବ୍ ପସନ୍ଦ କରିଥିଲେ। ବର୍ଷ ବର୍ଷ ଧରି ଦର୍ଶକ ଏହାର ସିକ୍ୱେଲକୁ ଉତ୍ସାହର ସହିତ ଅପେକ୍ଷା କରିଥିଲେ। ଏବେ ଏହା ଉପରେ ମୋହର ମାରିଛନ୍ତି ଅମିର ଖାନ। ସେ ହିଣ୍ଟ ଦେଇଛନ୍ତି ଯେ ଖୁବ୍ ଶୀଘ୍ର ‘୩ ଇଡିଅଟ୍ସ ୨’ ବଡ଼ ପରଦାକୁ ଆସିବ। ଅଭିନେତା ଏହା ମଧ୍ୟ ପ୍ରକାଶ କରିଛନ୍ତି ଯେ ଫିଲ୍ମର ସ୍କ୍ରିପ୍ଟ ସମ୍ପୂର୍ଣ୍ଣ ହୋଇସାରିଛି ଏବଂ ବହୁତ ଭଲ ହୋଇଛି।
ଏକ ପ୍ରମୋସନରେ, ଆମିର ଖାନ ପ୍ରକାଶ କରିଛନ୍ତି ଯେ ‘୩ ଇଡିଅଟ୍ସ’ର ଫେମସ୍ ତ୍ରିମୂର୍ତ୍ତି କମବ୍ୟାକ୍ କରିବାକୁ ପ୍ରସ୍ତୁତ। ତାଙ୍କ କଥା ପ୍ରଶଂସକମାନେ ଅପେକ୍ଷା କରିଥିବା ଆତ୍ମବିଶ୍ୱାସକୁ ପ୍ରତିଫଳିତ କରୁଥିଲା। ଏବେ ଏହା ସ୍ପଷ୍ଟ ଯେ ‘୩ ଇଡିଅଟ୍ସ’ର ସିକ୍ୱେଲ୍ କେବଳ କାଗଜର ଏକ ଧାରଣା ନୁହେଁ। ଏବେ ଏହି ପ୍ରୋଜେକ୍ଟ ଉପରେ କାମ ଦ୍ରୁତ ଗତିରେ ଚାଲିଛି।
ପ୍ରୋଜେକ୍ଟ ବିଷୟରେ କହିବାକୁ ଗଲେ ଆମିର ଖାନ କହିଛନ୍ତି ଯେ ଟିମ୍ ବର୍ତ୍ତମାନ ଡେଭଲପ୍ମେଣ୍ଟ ଉପରେ କାମ କରୁଛି ଏବଂ ସେ ଫିଲ୍ମର କାହାଣୀ ଶୁଣିଛନ୍ତି। ଅଭିନେତା ଫିଲ୍ମର କାହାଣୀକୁ ଉତ୍କୃଷ୍ଟ ଏବଂ ଅନନ୍ୟ ବୋଲି ବର୍ଣ୍ଣନା କରିଛନ୍ତି। ସେ ଏହା ମଧ୍ୟ ନିଶ୍ଚିତ କରିଛନ୍ତି ଯେ ସିକ୍ୱେଲର ପ୍ରଥମ ଭାଗ ସହିତ ସଂଯୋଗ ରହିବ।
ସୌଜନ୍ୟ Prameya News7
