EPFO Recruitment: ଇପିଏଫଓର ନୂତନ ନିଯୁକ୍ତି ବିଜ୍ଞପ୍ତି: ଦଶମ ପାସ୍ ଛାତ୍ରଛାତ୍ରୀ ବି କରି ପାରିବେ ଆବେଦନ

ନୂଆଦିଲ୍ଲୀ: ସରକାରୀ ଚାକିରି ପାଇଁ ଇଚ୍ଛୁକ ଥିବା ପ୍ରାର୍ଥୀମାନଙ୍କ ପାଇଁ ଏକ ସୁବର୍ଣ୍ଣ ସୁଯୋଗ ଆସିଛି। କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନ (ଇପିଏଫଓ) ୨୦୨୬ ବର୍ଷ ପାଇଁ ଏକ ନୂତନ ନିଯୁକ୍ତି ବିଜ୍ଞପ୍ତି ପ୍ରକାଶ କରିଛି। ଯାହା ଅଧୀନରେ ମୋଟ ୧୫୩ଟି ପଦବୀରେ ଯୋଗ୍ୟ ପ୍ରାର୍ଥୀମାନଙ୍କୁ ନିଯୁକ୍ତି ଦିଆଯିବ।

ଇପିଏଫଓ ହେଉଛି ଭାରତ ସରକାରଙ୍କ ଏକ ସାମ୍ବିଧାନିକ ସଂସ୍ଥା, ଯାହା ବେତନଭୋଗୀ କର୍ମଚାରୀଙ୍କ ପାଇଁ ପିଏଫ ଆକାଉଣ୍ଟ ପରିଚାଳନା କରେ ଏବଂ ସାମାଜିକ ସୁରକ୍ଷା ଯୋଗାଇଦିଏ । ଏହା ସାଢ଼େ ୭ କୋଟିରୁ ଅଧିକ ସଦସ୍ୟଙ୍କୁ ପିଏଫ, ପେନସନ ଏବଂ ବୀମା ସୁବିଧା ପ୍ରଦାନ କରେ ।

ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ ଇପିଏଫଓର ସରକାରୀ ୱେବସାଇଟ୍, epfindia.gov.in କୁ ଯାଇ ଅନଲାଇନରେ ଆବେଦନ କରିପାରିବେ। କୌଣସି ଅସୁବିଧା ଏଡାଇବା ପାଇଁ ପ୍ରାର୍ଥୀମାନଙ୍କୁ ଶେଷ ତାରିଖ ପୂର୍ବରୁ ସେମାନଙ୍କର ଆବେଦନ ପୂରଣ କରିବାକୁ ପରାମର୍ଶ ଦିଆଯାଇଛି।  ଏହି ନିଯୁକ୍ତି ଅଧୀନରେ ମୋଟ ୧୫୩ ପଦବୀ ପୂରଣ କରାଯିବ। ଏଥିରେ ଲୋୟର ଡିଭିଜନ କ୍ଲର୍କ (ଏଲଡିସି) ଏବଂ ଜୁନିଅର ସେକ୍ରେଟାରିଆଲ୍ ଆସିଷ୍ଟାଣ୍ଟ (ଏଏସଏ) ପଦବୀ ଅନ୍ତର୍ଭୁକ୍ତ ରହିଛି।

ଆବଶ୍ୟକୀୟ ଯୋଗ୍ୟତା କ’ଣ?

ଏହି ନିଯୁକ୍ତି ପାଇଁ ଆବେଦନ କରିବାକୁ, ପ୍ରାର୍ଥୀମାନେ ଏକ ସ୍ୱୀକୃତିପ୍ରାପ୍ତ ବୋର୍ଡରୁ ଦଶମ ଶ୍ରେଣୀ ପାସ୍ କରିଥିବା ଆବଶ୍ୟକ। ଏହାସହିତ, ପ୍ରାର୍ଥୀମାନଙ୍କର ମୌଳିକ କମ୍ପ୍ୟୁଟର ଜ୍ଞାନ ରହିବା ଉଚିତ। ଏହି ନିଯୁକ୍ତିରେ ଚୟନ ହେବା ପରେ ପ୍ରାର୍ଥୀମାନେ ପ୍ରତି ମାସରେ ୧୮୦୦୦ ରୁ ୫୬,୯୦୦ ପର୍ଯ୍ୟନ୍ତ ଦରମା ପାଇ ପାରିବେ।  ପ୍ରାର୍ଥୀମାନଙ୍କୁ ଅନେକ ପର୍ଯ୍ୟାୟ ମାଧ୍ୟମରେ ଚୟନ କରାଯିବ। ପ୍ରଥମେ, ଏକ ଅନଲାଇନ୍ ଲିଖିତ ପରୀକ୍ଷା ହେବ, ଯେଉଁଥିରେ ସଫଳ ପ୍ରାର୍ଥୀମାନଙ୍କୁ ସଂକ୍ଷିପ୍ତ ତାଲିକାଭୁକ୍ତ କରାଯାଇ ଦସ୍ତାବିଜ ଯାଞ୍ଚ ହେବ।   ସମସ୍ତ ପର୍ଯ୍ୟାୟ ସଫଳତାର ସହ ସମାପ୍ତ ହେବା ପରେ ହିଁ ଅନ୍ତିମ ଚୟନ କରାଯିବ।

ଇପିଏଫଓ ନିଯୁକ୍ତି ୨୦୨୬ ପାଇଁ କିପରି ଆବେଦନ କରିବେ?

ପ୍ରାର୍ଥୀମାନେ ପ୍ରଥମେ ଇପିଏଫଓର ସରକାରୀ ୱେବସାଇଟ୍, epfindia.gov.inକୁ ଯିବେ। ସେଠାରେ ନିଯୁକ୍ତି ବିଜ୍ଞପ୍ତି ଖୋଲିବେ। ଏଠାରେ ଲେଖାଥିବା ‘ଆପଲାଏ ଅନଲାଇନ’ ଉପ‌ରେ କ୍ଲିକ୍ କରିବେ।

ପ୍ରାର୍ଥୀମାନଙ୍କୁ ପ୍ରଥମେ ପଞ୍ଜୀକରଣ କରିବାକୁ ପଡିବ।ଏହାପରେ ଲଗ୍‌ଇନ୍ କରି ଆବେଦନ ଫର୍ମ ପୂରଣ କରିବାକୁ ହେବ।ସମସ୍ତ ଆବଶ୍ୟକୀୟ ସୂଚନା ଠିକ୍ ଭାବରେ ପ୍ରବେଶ କରି ଆବଶ୍ୟକୀୟ ଡକ୍ୟୁମେଣ୍ଟ୍ ଅପଲୋଡ୍ କରିବେ। ଫର୍ମ ଦାଖଲ  କରିବା ପରେ, ଏକ ପ୍ରିଣ୍ଟଆଉଟ୍ ବାହାର କରି ନିଜ ପାଖରେ ରଖିବେ।

ସୌଜନ୍ୟ ସମ୍ବାଦ