DigitalArrest: ୨୭ ଦିନ ଡିଜିଟାଲ ଆରେଷ୍ଟରେ ରହିବା ପରେ ୮୪.୫ ଲକ୍ଷ ଟଙ୍କା ହରାଇଲେ ଲକ୍ଷ୍ନୌର ବୃଦ୍ଧ
ଲକ୍ଷ୍ନୌ: ଲକ୍ଷ୍ନୌର ଜଣେ ୮୫ ବର୍ଷୀୟ ବୃଦ୍ଧ ସାଇବର ଠକେଇର ଶିକାର ହୋଇ ପ୍ରାୟ ୮୫ ଲକ୍ଷ ଟଙ୍କା ହରାଇଛନ୍ତି। ପୁଲିସ ଓ ଏଟିଏସ୍ ଅଧିକାରୀ ଭାବରେ ସ୍କାମରମାନେ ତାଙ୍କୁ ଦୀର୍ଘ ଦିନ ଧରି ‘ଡିଜିଟାଲ୍ ଆରେଷ୍ଟ’ରେ ଫସାଇ ୮୪.୫ ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି।
ଏହା ପରେ ପ୍ରାୟ ଏକ ମାସ ଧରି ନିରନ୍ତର ମାନସିକ ଚାପ ରହିଥିଲା। ଠକମାନେ ହ୍ୱାଟ୍ସଆପ୍ ଓ ସିଗ୍ନାଲ୍ ମାଧ୍ୟମରେ ନକଲି ଡକ୍ୟୁମେଣ୍ଟ୍ ପଠାଇଥିଲେ, ଯେଉଁଥିରେ ଏନ୍ଆଇଏ, ସୁପ୍ରିମ୍କୋର୍ଟ ଓ ଆର୍ବିଆଇ ପରି ଏଜେନ୍ସିର ନାମ ଥିଲା। ଏକାଧିକ କଲ୍ କରିଥିବା ବ୍ୟକ୍ତି, ନିଜକୁ ଏଟିଏସ୍ ଅଧିକାରୀ ବୋଲି ପରିଚୟ ଦେଇ କ୍ରମାଗତ ଯୋଗାଯୋଗରେ ରହିଥିଲେ ଏବଂ ଗିରଫଦାରୀ ଓ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଧମକ ଦେଇଥିଲେ। ଭୟଭୀତ ହୋଇ ବୃଦ୍ଧ ଜଣକ ଏହାକୁ ମାନିଥିଲେ। ମାର୍ଚ୍ଚ ୧୧ରୁ ଏପ୍ରିଲ ୪ ମଧ୍ୟରେ ସେ ଠକେଇକାରୀଙ୍କ ଦ୍ୱାରା ନିୟନ୍ତ୍ରିତ ବିଭିନ୍ନ ଆକାଉଣ୍ଟକୁ ୮୪.୫ ଲକ୍ଷ ଟଙ୍କା ଟ୍ରାନ୍ସଫର କରିଥିଲେ। ଅନସାରୀ ୨୭ ଦିନ ପରେ ସାଇବର ପୁଲିସ ନିକଟକୁ ଯାଇଥିଲେ। ଏକ ମାମଲା ରୁଜୁ ହୋଇଛି ଏବଂ ଅନୁସନ୍ଧାନକାରୀମାନେ ଏପର୍ଯ୍ୟନ୍ତ ୨୭ ଲକ୍ଷ ଟଙ୍କା ଫ୍ରିଜ୍ କରିବାରେ ସଫଳ ହୋଇଛନ୍ତି। ଅବଶିଷ୍ଟ ରାଶିକୁ ଖୋଜିବା ଓ ପୁନରୁଦ୍ଧାର ପାଇଁ ଉଦ୍ୟମ ଚାଲିଛି।
ସୌଜନ୍ୟ ସମ୍ବାଦ
