ତେହେରାନ: ଇରାନରୁ ଭାରତ ପାଇଁ ଅଶୋଧିତ ତୈଳ ନେଇ ଆସୁଥିବା ଏକ ଟ୍ୟାଙ୍କର ଏହାର ଗତିପଥ ବଦଳାଇଛି। ଏହା ବର୍ତ୍ତମାନ ଚୀନ ଅଭିମୁଖେ ଗତି କରିଛି। ଏହି ଘଟଣା ଆଞ୍ଚଳିକ ଉତ୍ତେଜନା ମଧ୍ୟରେ ତୈଳ ବାଣିଜ୍ୟକୁ ଘେରି ରହିଥିବା ଜଟିଳ ଭୂରାଜନୀତିକୁ ଆଲୋକପାତ କରିଛି। ଜାହାଜ-ଟ୍ରାକିଂ ଫାର୍ମ କେପ୍ଲର ଅନୁଯାୟୀ, ୨୦୦୨ ମସିହାରେ ନିର୍ମିତ ଆଫ୍ରାମାକ୍ସ ଟ୍ୟାଙ୍କର୍ ପିଙ୍ଗ ଶୂନ୍ ଏବେ ଚୀନର ଡୋଙ୍ଗିଙ୍ଗ୍ ଅଭିମୁଖେ ଯାତ୍ରା କରୁଛି।
ଏହି ଟ୍ୟାଙ୍କର ଉପରେ ୨୦୨୫ରେ ଆମେରିକା କଟକଣା ଲଗାଇଥିଲା। ଚଳିତ ସପ୍ତାହରେ ଏହି ଜାହାଜ ଭାରତର ପଶ୍ଚିମ ଉପକୂଳ ଭାଡିନାର୍କୁ ଆସିବାର ସଙ୍କେତ ଦେଉଥିଲା। ତେବେ ଏପର୍ଯ୍ୟନ୍ତ ଏହି ଜାହାଜର ଗତିପଥ ଚୂଡ଼ାନ୍ତ ହୋଇନାହିଁ ବୋଲି ବ୍ଲୁମବର୍ଗ ପ୍ରକାଶ କରିଛି। ଏସୱାଟିନି-ପତାକାଯୁକ୍ତ ପିଙ୍ଗ ଶୂନ୍ ଏପ୍ରିଲ ୪ରେ ଭାଡିନାର୍ ଉପକୂଳରେ ପହଞ୍ଚି ଥାନ୍ତା।
ସମସ୍ୟା ଯୋଗୁଁ ଜାହାଜଟି ଗତିପଥ ବଦଳାଇଥାଇ ପାରେ ବୋଲି ଅନୁମାନ କରାଯାଉଛି
ତୈଳ ମୂଲ୍ୟ, ବୀମା, ପରିଚାଳନା କର୍ମଚାରୀ କିମ୍ବା ଡକ୍ୟୁମେଣ୍ଟେସନ ସମସ୍ୟା ଯୋଗୁଁ ଜାହାଜଟି ଏହାର ଗତିପଥ ବଦଳାଇଥାଇ ପାରେ ବୋଲି ଅନୁମାନ କରାଯାଉଛି। ସୂଚନାଯୋଗ୍ୟ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମାର୍ଚ୍ଚ ୨୧ରେ ଇରାନରୁ ତେଲ କିଣିବା ଉପରୁ କଟକଣା ହଟାଇଥିଲେ।
ସୌଜନ୍ୟ ସମ୍ବାଦ
