କାଠମାଣ୍ଡୁ: ନେପାଳରେ କ୍ଷମତାକୁ ଆସିବା ପରଠାରୁ, ବାଲେନ ଶାହ ସରକାର ଭାରତ ବିରୋଧୀ କାର୍ଯ୍ୟ ଆରମ୍ଭ କରିଛନ୍ତି। ପ୍ରଥମେ, ବାଲେନ ସରକାର ଭାରତରୁ ୧୦୦ ନେପାଳୀ ଟଙ୍କା (ପ୍ରାୟ ୬୩ ଭାରତୀୟ ଟଙ୍କା) ରୁ ଅଧିକ ମୂଲ୍ୟର ସାମଗ୍ରୀ ଉପରେ ବାଧ୍ୟତାମୂଳକ ସୀମା ଶୁଳ୍କ ୫-୮୦%ଲାଗୁ କରିବାକୁ ନିଷ୍ପତ୍ତି ନେଇଥିଲେ। ଏବେ ନେପାଳ ଏୟାରଲାଇନ୍ସ ର କାର୍ଯ୍ୟ କାଠମାଣ୍ଡୁରୁ ଦିଲ୍ଲୀ ପର୍ଯ୍ୟନ୍ତ ଆଲେଡ଼ନ ସୃଷ୍ଟି କରିଛି। ନେପାଳ ଏୟାରଲାଇନ୍ସର ଭୁଲ୍ ଭାରତ ମାନଚିତ୍ରରେ ଜାମ୍ମୁ କାଶ୍ମୀରକୁ ପାକିସ୍ତାନ ଅଞ୍ଚଳ ଭାବରେ ଦର୍ଶାଯାଇଛି। ନେପାଳ ଏୟାରଲାଇନ୍ସ ସମ୍ପ୍ରତି ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ଫ୍ଲାଇଟ୍ ନେଟୱାର୍କ ମ୍ୟାପ୍ ପୋଷ୍ଟ କରିଛି, ଯେଉଁଥିରେ ସମଗ୍ର ଜମ୍ମୁ ଏବଂ କାଶ୍ମୀରକୁ ପାକିସ୍ତାନର ଅଂଶ ଭାବରେ ଦର୍ଶାଯାଇଛି। ଏହି ମ୍ୟାପ୍ ପ୍ରକାଶ ପାଇବା ପରେ ନେପାଳ ଏୟାରଲାଇନ୍ସକୁ ବ୍ୟାପକ ପ୍ରତିକ୍ରିୟାର ସମ୍ମୁଖୀନ ହେବାକୁ ପଡିଛି। ବିଶେଷକରି ଭାରତୀୟ ୟୁଜରମାନେ ଏହାକୁ ବିରୋଧ କରିଛନ୍ତି।ଏହା ପରେ, ଏୟାରଲାଇନ୍ସ ସୋସିଆଲ ମିଡିଆରୁ ଏହାର ପୋଷ୍ଟ୍କୁ ହଟାଇ ଦେଇଛି।
କାଶ୍ମୀରକୁ ଦର୍ଶାଇଲା ପାକିସ୍ତାନର ଅଂଶ
ମାନଚିତ୍ରକୁ ନେଇ ବିବାଦ ବୃଦ୍ଧି ପାଉଥିବାରୁ, ନେପାଳ ଏୟାରଲାଇନ୍ସ କ୍ଷମା ପ୍ରାର୍ଥନା କରିଛି। ସୋସିଆଲ ମିଡିଆ ଏକ୍ସରେ ଏକ ପୋଷ୍ଟରେ, ଏୟାରଲାଇନ୍ସ କହିଛି, ଆମର ସୋସିଆଲ ମିଡିଆ ଚ୍ୟାନେଲଗୁଡ଼ିକରେ ସମ୍ପ୍ରତି ସେୟାର ହୋଇଥିବା ନେଟୱାର୍କ ମ୍ୟାପ୍ରେ ତ୍ରୁଟି ପାଇଁ ଆମେ କ୍ଷମା ପ୍ରାର୍ଥନା କରୁଛୁ। ମାନଚିତ୍ରରେ ଅନ୍ତର୍ଜାତୀୟ ସୀମା ସମ୍ପର୍କରେ ଗୁରୁତ୍ୱପୂର୍ଣ୍ଣ କାର୍ଟୋଗ୍ରାଫିକ୍ ତ୍ରୁଟି ଥିଲା ଏହା ନେପାଳ କିମ୍ବା ନେପାଳ ଏୟାରଲାଇନ୍ସର ସରକାରୀ ସ୍ଥିତିକୁ ପ୍ରତିଫଳିତ କରେ ନାହିଁ। ତେବେ କ୍ଷମା ପ୍ରାର୍ଥନା ସତ୍ତ୍ୱେ, ସାମାଜିକ ଗଣମାଧ୍ୟମରେ ମାନଚିତ୍ରକୁ ନେଇ ବିବାଦ ଜାରି ରହିଛି।
ସୌଜନ୍ୟ ସମ୍ବାଦ