ଗାର୍ଲସ୍ ହଷ୍ଟେଲରୁ ଉଲଗ୍ନ ମୃତଦେହ ଉଦ୍ଧାର ; ସନ୍ଦିଗ୍ଧର ଆତ୍ମହତ୍ୟା, ଟ୍ରେନ୍ ଲାଇନରୁ ଶବ ମିଳିଲା

ମୁମ୍ବାଇ: ଏକ ସରକାରୀ ଗାର୍ଲସ୍ ହଷ୍ଟେଲରୁ ଉଲଗ୍ନ ମୃତଦେହ ଜବତ ହୋଇଛି । ବଳାତ୍କାର ପରେ ତାଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଏହି ମାମଲାରେ ସନ୍ଦିଗ୍ଧ ସୁରକ୍ଷାକର୍ମୀ ଟ୍ରେନ ଆଗରେ ଡେଇଁ ଆତ୍ମହତ୍ୟା କରିଥିବା ଅନୁମାନ କରାଯାଉଛି । କାରଣ ଟ୍ରେନ୍ ଲାଇନ୍ କଡରୁ ସନ୍ଧିଗ୍ଧଙ୍କ ମୃତଦେହ ଉଦ୍ଧାର ହୋଇଛି। ବୁଧବାର ପୋଲିସ ଏହି ସୂଚନା ଦେଇଛି। ମୃତ ବ୍ୟକ୍ତି ଜଣକ ଉକ୍ତ ହଷ୍ଟେଲରେ ସୁରକ୍ଷା କର୍ମୀ ଭାବରେ କାର୍ଯ୍ୟ କରୁଥିବା ପ୍ରକାଶ କାନୋଜିଆ ବୋଲି ଜଣାପଡିଛି। ଏହାର ଗୋଟିଏ ଦିନ ପୂର୍ବରୁ ମୁମ୍ବାଇର ଚର୍ଚ୍ଚଗେଟ୍ ଅଞ୍ଚଳର ଗାର୍ଲସ୍ ହଷ୍ଟେଲରେ ୧୯ ବର୍ଷୀୟ ଯୁବତୀଙ୍କ ମୃତଦେହ ମିଳିଥିଲା।