ଓଡ଼ିଶାର ସଂସ୍କୃତି ଓ ପରମ୍ପରାକୁ ପଟ୍ଟଚିତ୍ର କଳାକୃତିରେ ସ୍ଥାନିତ କରିବାକୁ ରାଜ୍ୟପାଳଙ୍କ ପରାମର୍ଶ

ଭୁବନେଶ୍ବର: ବିଶିଷ୍ଟ ପଟ୍ଟଚିତ୍ର ଶିଳ୍ପୀ ତଥା ମହିଳା ଶିଳ୍ପଦ୍ୟୋଗୀ କୃଷ୍ଣପ୍ରିୟା ଆଚାର୍ଯ୍ୟ ଆଜି ରାଜଭବନରେ ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କୁ ସୌଜଜନ୍ୟମୂଳକ ସାକ୍ଷାତ କରିଛନ୍ତି। ଏହି ଅବସରରେ ନିଜ ହସ୍ତନିର୍ମିତ ଏକ କଳାକୃତିକୁ ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କୁ ସେ ଭେଟି ଦେଇଛନ୍ତି। କୃଷ୍ଣପ୍ରିୟା ଆଚାର୍ଯ୍ୟଙ୍କ ପଟ୍ଟଚିତ୍ରକୁ ରାଜ୍ୟପାଳ ପ୍ରଫେସର ଗଣେଶୀ ଲାଲ ପ୍ରଶଂସା କରିଛନ୍ତି। ଓଡ଼ିଶାର କଳାକୃତି ସହିତ ସଂସ୍କୃତି ଓ ପରମ୍ପରା ସହିତ ଭାରତୀୟ ସଂସ୍କୃତି ଓ ପରମ୍ପରାକୁ ନିଜର ପଟ୍ଟଚିତ୍ର କଳାକୃତିରେ ସ୍ଥାନ ଦେବାକୁ କୃଷ୍ଣପ୍ରିୟା ଆଚାର୍ଯ୍ୟଙ୍କୁ ରାଜ୍ୟପାଳ ପ୍ରଫେସର ଗଣେଶୀ ଲାଲ ପରାମର୍ଶ ଦେଇଛନ୍ତି।