ପରୀକ୍ଷାରେ କମ୍ ମାର୍କ ଦେବାରୁ ସାରଙ୍କୁ ଗଛରେ ବାନ୍ଧି ପିଟିଲେ ଛାତ୍ର

ଝାଡ଼ଖଣ୍ଡ : ଆପଣ ଗୁରୁ ଆଉ ଶିଷ୍ୟଙ୍କ ସମ୍ପର୍କ ବିଷୟରେ ବହୁତ କିଛି କଥା ଶୁଣିଥିବେ। ଗୁରୁମାନଙ୍କୁ ପିଲାମାନେ କିପରି ସମ୍ମାନ ଦିଅନ୍ତି ଏହା ମଧ୍ୟ ଆପଣ ଦେଖିଥିବେ, କିନ୍ତୁ ଗୁରୁମାନଙ୍କୁ ଗଛରେ ବାନ୍ଧି ପିଟୁ ଥିବାର ଦୃଶ୍ୟ ଆପଣ ଦେଖି ନଥିବେ। ତେବେ ଏଭଳି ଏକ ଘଟଣା ସାମ୍ନାକୁ ଆସିଛି । ଝାଡ଼ଖଣ୍ଡର ଦୁମକା ଏକ ଗାଁର ସ୍କୁଲ ଛାତ୍ରମାନେ ସେମାନଙ୍କ ଶିକ୍ଷକମାନଙ୍କୁ ଏକ ଗଛରେ ବାନ୍ଧି ଦେଇ ଥିବା ଦେଖିବାକୁ ମିଳିଛି । ଏମିତି କରି ଥିବାର ପଛରେ କାରଣ ହେଉଛି ଯେ ଶିକ୍ଷକମାନେ ସେମାନଙ୍କୁ ପରୀକ୍ଷାରେ କମ୍ ମାର୍କ ପ୍ରଦାନ କରିଥିଲେ। କେବଳ ଏତିକି ନୁହେଁ ସେମାନଙ୍କୁ ମାଡ଼ ମାରିଥିବା ଅଭିଯୋଗ ମଧ୍ୟ ହୋଇଥିଲା।