Trump: ଟ୍ରମ୍ପଙ୍କୁ ଇରାନର ସର୍ବୋଚ୍ଚ ନେତା ହେବା ପାଇଁ ମିଳିଥିଲା ପ୍ରସ୍ତାବ!

ୱାସିଂଟନ: ଏକ କାର୍ଯ୍ୟକ୍ରମରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ଆମେରିକା ଏବଂ ଇରାନ ମଧ୍ୟରେ ଆଲୋଚନା ଚାଲିଛି। ଟ୍ରମ୍ପ ଦାବି କରିଛନ୍ତି, ଯୁଦ୍ଧ ଶୀଘ୍ର ସମାପ୍ତ କରିବା ପାଇଁ ଉଭୟ ପକ୍ଷ ଯୋଗାଯୋଗରେ ଅଛନ୍ତି। ତଥାପି, ଇରାନ ଏହି ଦାବିକୁ ପ୍ରତ୍ୟାଖ୍ୟାନ କରିଛି ଏବଂ ସ୍ପଷ୍ଟ ଭାବରେ କହିଛି, ଆମେ କୌଣସି ପ୍ରକାରର ଆପୋଷ ବୁଝାମଣା ପାଇଁ ପ୍ରସ୍ତୁତ ନୁହଁ।

କାର୍ଯ୍ୟକ୍ରମ ସମୟରେ ଟ୍ରମ୍ପ୍ ଏକ ମନ୍ତବ୍ୟ ଦେଇଛନ୍ତି ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ସେ କହିଛନ୍ତି, କିଛି ଇରାନୀ ତାଙ୍କୁ ଅନୌପଚାରିକ ଭାବରେ ପ୍ରସ୍ତାବ ଦେଇଥିଲେ ଆପଣ ଆମର ପରବର୍ତ୍ତୀ ସର୍ବୋଚ୍ଚ ନେତା ହୁଅନ୍ତୁ। ଟ୍ରମ୍ପ ହସି ହସି କହିଛନ୍ତି କିନ୍ତୁ ମୁଁ ଏହାକୁ ମନା କରିଦେଇଥିଲି। କାରଣ ବିଶ୍ୱର କୌଣସି ଦେଶ ଅନ୍ୟ ଦେଶର ସର୍ବୋଚ୍ଚ ନେତା ହେବାକୁ ଚାହିଁବେ ନାହିଁ।

ଟ୍ରମ୍ପ କହିଛନ୍ତି, ଆମେରିକା ଇରାନକୁ ଏକ କଠୋର ଆଘାତ ଦେଇଛି। ଆମେ ଏପରି ଏକ ବିଜୟ ହାସଲ କରିବାକୁ ଯାଉଛୁ ଯାହା ପୂର୍ବରୁ କେହି କେବେ ଦେଖି ନାହାଁନ୍ତି। ଇରାନ ଏବେ ଏକ ଶୀଘ୍ର ଚୁକ୍ତି ଚାହୁଁଛି, କିନ୍ତୁ ଲୋକଙ୍କ କ୍ରୋଧ ଏବଂ ଆମେରିକୀୟ କାର୍ଯ୍ୟାନୁଷ୍ଠାନକୁ ଭୟ କରୁଛି। ତେବେ ଟ୍ରମ୍ପ ମନ୍ତବ୍ୟକୁ ନେଇ ଏବେ ଅନ୍ତର୍ଜାତୀୟ ସ୍ତରରେ ଚର୍ଚ୍ଚା ଆରମ୍ଭ ହୋଇଛି। ଟ୍ରମ୍ପଙ୍କ ସର୍ବୋଚ୍ଚ ନେତା ବିବୃତି ଏବେ ଶିରୋନାମା ପାଲଟିଛି। ଏହା ସହିତ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ସୌଜନ୍ୟ ସମ୍ବାଦ