Trump signals ceasefire: ଯୁଦ୍ଧ ବିରତି ସଙ୍କେତ ଦେଲେ ଟ୍ରମ୍ପ, ବନ୍ଦ ହୋଇପାରେ ଇରାନ ଉପରେ ସାମରିକ କାର୍ଯ୍ୟାନୁଷ୍ଠାନ

ୱାଶିଂଟନ୍: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶୁକ୍ରବାର ଦିନ ଇରାନ ବିରୋଧରେ ଚାଲିଥିବା ସାମରିକ ଅଭିଯାନକୁ “ସମାପ୍ତ” କରିବା ନେଇ ବିଚାର କରୁଥିବା ସୂଚନା ଦେଇଛନ୍ତି, ଯାହା ବିଶ୍ୱବ୍ୟାପୀ ବଢୁଥିବା ଯୁଦ୍ଧ ଉତ୍ତେଜନା ମଧ୍ୟରେ ଏକ ବଡ଼ ଆଶ୍ୱସ୍ତି ଭାବେ ଉଭା ହୋଇଛି। ଟ୍ରମ୍ପଙ୍କ ଅନୁଯାୟୀ, ଆମେରିକା ନିଜର ସାମରିକ ଲକ୍ଷ୍ୟ ହାସଲ କରିବାର ଅତି ନିକଟତର ହୋଇଛି ଏବଂ ଆଗାମୀ କିଛି ସପ୍ତାହ ମଧ୍ୟରେ ଏହି ମିଶନ ଶେଷ ହୋଇପାରେ।

ଇରାନର ଆତଙ୍କୀ ଶାସନକୁ ଦୁର୍ବଳ କରିବା ପାଇଁ ଆମେରିକୀୟ ସେନା ଅସାଧାରଣ କାର୍ଯ୍ୟ କରୁଛନ୍ତି

ହ୍ୱାଇଟ୍ ହାଉସ୍ ପ୍ରେସ୍ ସେକ୍ରେଟାରୀ କାରୋଲିନ୍ ଲିଭିଟ୍ ସ୍ପଷ୍ଟ କରିଛନ୍ତି ଯେ, ଏହି ଅଭିଯାନ ସଫଳତାର ସହ ତୃତୀୟ ସପ୍ତାହରେ ପହଞ୍ଚିଛି ଏବଂ ପେଣ୍ଟାଗନର ଆକଳନ ଅନୁଯାୟୀ ସମ୍ପୂର୍ଣ୍ଣ ମିଶନ ଶେଷ କରିବାକୁ ପ୍ରାୟ ୪ରୁ ୬ସପ୍ତାହ ସମୟ ଲାଗିବ। ଟ୍ରମ୍ପ ନିଜର ସୋସିଆଲ ମିଡିଆ ପ୍ଲାଟଫର୍ମ ”ଟ୍ରୁଥ୍ ସୋସିଆଲ”ରେ ଲେଖିଛନ୍ତି ଯେ, ଇରାନର ଆତଙ୍କୀ ଶାସନକୁ ଦୁର୍ବଳ କରିବା ପାଇଁ ଆମେରିକୀୟ ସେନା ଅସାଧାରଣ କାର୍ଯ୍ୟ କରୁଛନ୍ତି। ତେବେ ଏହି ଯୁଦ୍ଧ ମଧ୍ୟରେ ଇରାନର ଏୟାର ଡିଫେନ୍ସ ଆମେରିକାର ଏକ ଅତ୍ୟାଧୁନିକ ଏଫ୍-୩୫ ଷ୍ଟିଲ୍ଥ୍ ଫାଇଟର ଜେଟ୍କୁ ଗୁରୁତର ଭାବେ କ୍ଷତିଗ୍ରସ୍ତ କରିଥିବା ରିପୋର୍ଟ ପ୍ରକାଶ ପାଇଛି, ଯାହାକୁ ବିଶ୍ୱର ପ୍ରଥମ ଏଭଳି ଘଟଣା ବୋଲି କୁହାଯାଉଛି।

ସୌଜନ୍ୟ ସମ୍ବାଦ