ମୁମ୍ବାଇ: ରିଲାଏନ୍ସ ରିଟେଲ୍ ଏହାର ଅଭିବୃଦ୍ଧିର ପରବର୍ତ୍ତୀ ପର୍ଯ୍ୟୟରେ ଏଆଇ-ଚାଳିତ ବାଣିଜ୍ୟ ଏବଂ ଉନ୍ନତ ମୂଲ୍ୟ ନିର୍ଦ୍ଧାରଣ ଉପରେ ଅଧିକ ଗୁରୁତ୍ତ୍ଵ ଦେବ। ଯାହାଦ୍ୱାରା ଏହାର ବିଶାଳ ନେଟୱାର୍କ ଜରିଆରେ ଗ୍ରାହକମାନଙ୍କୁ ସର୍ବାଧିକ ଲାଭ ପ୍ରଦାନ କରାଯାଇପାରିବ। କମ୍ପାନୀର କାର୍ଯ୍ୟନିର୍ବାହୀ ନିର୍ଦ୍ଦେଶକ ଈଶା ଅମ୍ବାନୀ କହିଛନ୍ତି, “୨୦୨୬-୨୭ ଆର୍ଥିକ ବର୍ଷରେ, ଆମର ଧ୍ୟାନ ଏହି ବିଶାଳ ନେଟୱାର୍କ ମାଧ୍ୟମରେ ଗ୍ରାହକମାନଙ୍କୁ ସର୍ବାଧିକ ମୂଲ୍ୟ ପ୍ରଦାନ କରିବା ଉପରେ ରହିବ – ଏକ ଲକ୍ଷ୍ୟ ଯାହା ଆମେ ଏଆଇ-ଆଧାରିତ ବାଣିଜ୍ୟ, ଅପ୍ଟିମାଇଜ୍ଡ୍ ମୂଲ୍ୟ ନିର୍ଦ୍ଧାରଣ ଏବଂ ଦୃଢ଼ କାର୍ଯ୍ୟନ୍ୱୟନ ମାଧ୍ୟମରେ ହାସଲ କରିବାକୁ ଲକ୍ଷ୍ୟ ରଖିଛୁ।”
୨୦୨୫-୨୬ ଆର୍ଥିକ ବର୍ଷରେ କମ୍ପାନୀର ରାଜସ୍ୱ ୩.୭୦ ଲକ୍ଷ କୋଟି ଟଙ୍କା ଅତିକ୍ରମ କରିଛି। ରିଲାଏନ୍ସ ରିଟେଲ୍ ୧.୯୩ ବିଲିୟନ କାରବାରରେ ୩୮.୭ କୋଟି ଗ୍ରାହକଙ୍କୁ ସେବା ପ୍ରଦାନ କରିଛି। କମ୍ପାନୀର ଷ୍ଟୋର ନେଟୱାର୍କ ଏବେ ୨୦,୦୦୦ ଅତିକ୍ରମ କରିଛି, ଜିଓମାର୍ଟ ଭଳି ପ୍ଲାଟଫର୍ମଗୁଡ଼ିକ ଏହି ବିଶାଳ ନେଟୱାର୍କକୁ ଡିଜିଟାଲ୍ ଏବଂ ହାଇପରଲୋକାଲ୍ ଡେଲିଭରି କ୍ଷମତା ସହିତ ସଂଯୁକ୍ତ କରିଛି।
ଜିଓମାର୍ଟ ଏହାର ହାଇପରଲୋକାଲ୍ ବାଣିଜ୍ୟ କ୍ଷେତ୍ରରେ ଦ୍ରୁତ ଅଭିବୃଦ୍ଧି ରେକର୍ଡ କରିଛି। ୨୦୨୫-୨୬ ଆର୍ଥିକ ବର୍ଷର ଚତୁର୍ଥ ତ୍ରୈମାସିକରେ, ଜିଓମାର୍ଟର ହାରାହାରି ଦୈନିକ ଅର୍ଡରଗୁଡ଼ିକ ପୂର୍ଵ ବର୍ଷର ସମାନ ତ୍ରୟମାସ ତୁଳନାରେ ୨୯ ପ୍ରତିଶତ ଏବଂ ବର୍ଷ ହିସାବରେ ୩୦୦ ପ୍ରତିଶତରୁ ଅଧିକ ବୃଦ୍ଧି ପାଇଛି। ଜିଓମାର୍ଟ ବର୍ତ୍ତମାନ ୫,୧୦୦+ ପିନକୋଡ୍ ଏବଂ ୧,୨୦୦+ ସହରରେ ସେବା ପ୍ରଦାନ କରୁଛି, ଯାହା ୩,୧୦୦ ରୁ ଅଧିକ ଷ୍ଟୋରର ନେଟୱାର୍କ ଦ୍ୱାରା ସମ୍ଭବ ହୋଇଛି।
ସୌଜନ୍ୟ Prameya News7