ନୁପୁର ସାନନ୍ ଏବଂ ଗାୟିକା ଷ୍ଟେବିନ୍ଙ୍କ ରିସେପ୍ସନରେ ସଲମାନଙ୍କ ସ୍ଵାଗ ଏଣ୍ଟ୍ରି, କ୍ରିତିଙ୍କ ବୟଫ୍ରେଣ୍ଡ୍ କବୀରଙ୍କ ଉପରେ ସମସ୍ତଙ୍କ ନଜର
ମୁମ୍ଵାଇ ୧୪।୦୧; ଅଭିନେତ୍ରୀ ନୁପୁର ସାନନ୍ ଏବଂ ଗାୟିକା ଷ୍ଟେବିନ୍ ବେନ୍ ବିବାହ ବନ୍ଧନ ବାନ୍ଧି ହୋଇଛନ୍ତି।ଦୁହେଁ ହିନ୍ଦୁ ଓ ଖ୍ରୀଷ୍ଟିଆନ୍ ରୀତିନୀତିରେ ସାତଫେରା ନେଇଥିଲେ । ଉଦୟପୁରରେ ଏକ ଭବ୍ୟ ବିବାହ ପରେ, ଏହି ଦମ୍ପତି ଜାନୁଆରୀ ୧୩ ତାରିଖରେ ମୁମ୍ବାଇରେ ଏକ ଗ୍ରାଣ୍ଡ ରିସେପ୍ସନର ଆୟୋଜନ କରିଥିଲେ।
ନୁପୁର ଏବଂ ଷ୍ଟେବିନ୍ଙ୍କ ରିସେପ୍ସନରେ ବଲିଉଡ୍ ଏବଂ ଟେଲିଭିଜନର ଅନେକ ସେଲିବ୍ରିଟି ଯୋଗ ଦେଇଥିଲେ। କେତେକ ଜଣ ସ୍ୱାଗ୍ ଅନ୍ଦାଜ୍ରେ ଏଣ୍ଟ୍ରି କରିଥିବା ବେଳେ ଅନ୍ୟମାନେ ସେମାନଙ୍କର ଚମତ୍କାର ଲୁକ୍ ସହିତ ଲାଇମ୍ ଲାଇଟ୍ ହାସଲ କରିଥିଲେ।
ପ୍ରଥମେ, ବଲିଉଡ୍ର ଭାଇଜାନ ସଲମାନ ଖାନଙ୍କ ବିଷୟରେ କଥା ହେବା। ସଲମାନ କଡ଼ା ସୁରକ୍ଷା ସହିତ ନୁପୁର ଏବଂ ଷ୍ଟେବିନ୍ଙ୍କ ରିସେପ୍ସନରେ ଯୋଗ ଦେଇଥିଲେ। ନୁପୁର ଦବଙ୍ଗ ଖାନଙ୍କ ସହିତ ପୋଜ୍ ଦେବାକୁ ଲାଜ କରୁଥିବା ନଜର ଆସିଥିଲେ କିନ୍ତୁ ତା’ପରେ ସମସ୍ତେ ଏକାଠି ପୋଜ୍ ଦେଇଥିଲେ।
କ୍ରିତି ତାଙ୍କ ପରିବାର ସହ ଭଉଣୀଙ୍କ ବିବାହ ଠାରୁ ରିସେପ୍ସନ ପର୍ଯ୍ୟନ୍ତ ପ୍ରତ୍ୟେକ ଦାୟିତ୍ୱ ତୁଲାଇଥିବାର ଦେଖିବାକୁ ମିଳିଥିଲା। ତାଙ୍କୁ ରିସେପ୍ସନରେ ନୁପୁରଙ୍କ ଡ୍ରେସ୍ ସଜାଡ଼ି ଦେଉଥିବାର ନଜର ଆସିଥିଲେ । ଯାହାକୁ ଦେଖି ଫ୍ୟାନ୍ସମାନେ ଖୁସି ହୋଇଯାଇଥିଲେ।
ବଲିଉଡ୍ର ବେଷ୍ଟ ଫ୍ରେଣ୍ଡ ମୌନି ରୟ ଏବଂ ଦିଶା ପଟାନି ମଧ୍ୟ ଷ୍ଟେବିନ୍ ଏବଂ ନୁପୁରଙ୍କ ରିସେପ୍ସନରେ ସନସେସନ ପାଲଟିଥିଲେ । ଦିଶା ଏବଂ ମୌନି ସେମାନଙ୍କର ଚମତ୍କାର ଲୁକ୍ ସହିତ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ।
କ୍ରିତି ସାନନ୍ ଏବଂ କବୀର ବହଲଙ୍କ ପ୍ରେମ ସମ୍ପର୍କ ବର୍ତ୍ତମାନ ଚର୍ଚ୍ଚାରେ ଅଛି। କବୀର ଦମ୍ପତିଙ୍କ ରିସେପ୍ସନରେ ସୁଟ୍ ଏବଂ ବୁଟ୍ ପିନ୍ଧି ଏକ ଷ୍ଟାଇଲିସ୍ ଏଣ୍ଟ୍ରି କରିଥିଲେ। ସେ ତାଙ୍କର ସ୍ୱାଗ୍ ଏବଂ ଷ୍ଟାଇଲ୍ ଲୁକ୍ ସମସ୍ତଙ୍କୁ ପ୍ରଭାବିତ କରିଥିଲା।
ଟିଭି ଷ୍ଟାର କରିସ୍ମା ତନ୍ନା, ହିନା ଖାନ ଏବଂ ଶିବାଙ୍ଗୀ ଜୋଶୀ ମଧ୍ୟ ନୁପୁର ଏବଂ ଷ୍ଟେବିନଙ୍କ ରିସେପ୍ସନରେ ଗ୍ଲାମରର ସ୍ପର୍ଶ ଯୋଡିଥିଲେ।
ପ୍ରଶଂସକଙ୍କ ପ୍ରିୟ କପଲ ଅଙ୍କିତା ଲୋଖଣ୍ଡେ ଏବଂ ଭିକି ଜୈନ ମଧ୍ୟ ଷ୍ଟେବିନ ଏବଂ ନୁପୁରଙ୍କ ଉତ୍ସବ ପାଳନରେ ଯୋଗ ଦେଇଥିଲେ।
ନେହା ଧୂପିଆ ତାଙ୍କ ସ୍ୱାମୀ ଅଙ୍ଗଦ ବେଦୀଙ୍କ ସହିତ ରିସେପ୍ସନରେ ପହଞ୍ଚିଥିଲେ। ଦମ୍ପତି ପାପ୍ ପାଇଁ ପୋଜ୍ ମଧ୍ୟ ଦେଇଥିଲେ।
ଇଶା ମାଲବୀୟ ଏବଂ ଫାରାହ ଖାନଙ୍କୁ ପାପାରାଜିଙ୍କ ପାଇଁ ଏକକ ପୋଜ୍ ଦେଉଥିବାର ଦେଖାଯାଇଥିଲା। ଷ୍ଟେବିନ ଏବଂ ନୁପୁରଙ୍କ ରିସେପ୍ସନରେ ହାଇ ଗ୍ଲାମର ଦେଖି ପ୍ରଶଂସକମାନେ ବହୁତ ଖୁସି ହୋଇଥିଲେ।
ତାରା ସୁତାରିଆଙ୍କ ସହ ବ୍ରେକଅପ୍ ପରେ ବୀର ପହରିଆଙ୍କୁ ପ୍ରଥମ ଥର ପାଇଁ ପାର୍ଟିରେ ଏକାକୀ ଦେଖାଯାଇଥିଲା। ସେ ହସୁଥିଲେ, କିନ୍ତୁ ତାଙ୍କ ମୁହଁରେ ବ୍ରେକଅପ୍ ର ଯନ୍ତ୍ରଣା ସ୍ପଷ୍ଟ ଭାବରେ ନଜର ଆସୁଉଥିଲା।
ସୌଜନ୍ୟ Prameya News7
