ବରଗଡ଼,୧୪ା୨(ପ୍ରେମାନନ୍ଦ ଖମାରୀ): ବରଗଡ଼ ସହର ବିକାଶ ଆଡ଼କୁ ମୁହାଁଉଛି। ମାତ୍ର ଏଠାରେ ଆଇନଶୃଙ୍ଖଳା ତଥା ସୁରକ୍ଷା ବ୍ୟବସ୍ଥା ହୁଗୁଳା ହୋଇପଡ଼ିଛି। ସ୍ଥାନୀୟ ଯୁବପିଢ଼ି ନିଶାଖୋର୍ ହୋଇ ପଥଭ୍ରଷ୍ଟ ହେଉଛନ୍ତି। ଶନିବାର ବରଗଡ଼ ବିଜୁ ପଟ୍ଟନାୟକ ଟାଉନ ହଲ୍ରେ ‘ସଂକଳ୍ପ’ ପରିବାରର ଷଷ୍ଠ ପ୍ରତିଷ୍ଠା ଦିବସ ଅବସରରେ ସମ୍ମାନିତ ଅତିଥି ଭାବେ ଯୋଗଦେଇ ଭୀଷ୍ମଦେବ ସରାଫ ତାଙ୍କ ଅଭିଭାଷଣରେ ଏହା କହି ଏହା ଉପରେ ପଦକ୍ଷେପ ନେବାକୁ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବରଗଡ଼ ବିଧାୟକ ଅଶ୍ବିନୀ କୁମାର ଷଡ଼ଙ୍ଗୀଙ୍କୁ ଅନୁରୋଧ କରିଥିଲେ।
ତେବେ ମୁଖ୍ୟ ଅତିଥି ଷଡ଼ଙ୍ଗୀ ନିଜ ଅଭିଭାଷଣରେ କହିଥିଲେ, ଏହା ଏକ ସମ୍ବେଦନଶୀଳ ଘଟଣା। ମୋ’ ନଜରକୁ ଆସିଛି। ଏହାକୁ ଗୁଗୁତ୍ୱର ସହିତ ନେଇଛି। ପୋଲିସ, ପ୍ରଶାସନ ସହିତ ଆଲୋଚନା କରିଛି। ଏଭଳି ସ୍ଥିତିରେ ଆମେ ସମସ୍ତେ ନିଶା ବେପାରୀ କିମ୍ବା ନିଶା ବେପାର ପାଇଁ ଅର୍ଥ ଯୋଗାଉଥିବା ବଡ଼ବଡ଼ିଆଙ୍କୁ ତଡିପାର୍ କରିବାର ଜରୁରୀ ହୋଇଛି। ସହରର ସମସ୍ତ ସାମାଜିକ, ସ୍ବେଚ୍ଛାସେବୀ ଏବଂ ଅନ୍ୟ ଅନୁଷ୍ଠାନ ତଥା ବୁଦ୍ଧିଜୀବୀ, ସଚେତନ ନାଗରିକ ଏକତ୍ରିତ ହୋଇ ଏଭଳି ଏକ ନିଷ୍ପତ୍ତି ନେବାକୁ ବିଧାୟକ ଷଡ଼ଙ୍ଗୀ ସମସ୍ତଙ୍କୁ ଆହ୍ବାନ ଦେଇଥିଲେ।
ସୌଜନ୍ୟ ଧରିତ୍ରୀ
