ୱାସିଂଟନ/ତେହେରାନ,୨୦/୪: ଇରାନ ସହିତ ଆଲୋଚନା ମଧ୍ୟରେ ସାମରିକ ଚାପ ପ୍ରୟୋଗ କରି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜ ପାଦରେ କୁରାଢ଼ି ଚୋଟ ମାରିଛନ୍ତି। ଇରାନ ସହିତ ଶାନ୍ତି ଚୁକ୍ତିର ଆଶା ଧୀରେ ଧୀରେ ମଳିନ ହେବାରେ ଲାଗିଛି। ଆଞ୍ଚଳିକ ବିଶେଷଜ୍ଞଙ୍କ ଅନୁଯାୟୀ, ଦି ନ୍ୟୁୟର୍କ ପୋଷ୍ଟରେ ପ୍ରକାଶିତ ଏକ ରିପୋର୍ଟ ଅନୁସାରେ, ଇରାନର ସ୍ୱତନ୍ତ୍ର ବାହିନୀ, ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ (ଆଇଆର୍ଜିସି)ର କଠୋରପନ୍ଥୀମାନେ ଇରାନର ସାମରିକ ଏବଂ କୂଟନୈତିକ ଆଲୋଚନା ଦଳ ଉପରେ ପ୍ରାୟ ସମ୍ପୂର୍ଣ୍ଣ ନିୟନ୍ତ୍ରଣ ହାସଲ କରିଛନ୍ତି। ହର୍ମୁଜ୍ରେ ଇରାନୀ ମାଲବାହୀ ଜାହାଜ ଉପରେ ଆକ୍ରମଣ କରି ଆମେରିକା ପରିସ୍ଥିତିକୁ ଆହୁରି ଖରାପ କରିଛି । ଡୋନାଲ୍ଡ ଟ୍ରମ୍ପଙ୍କ ସେନାର ଏହି କାର୍ଯ୍ୟ ଇରାନରେ ମୌଳବାଦୀ ଶକ୍ତିକୁ ଆହୁରି ମଜବୁତ କରିବ ବୋଲି କୁହାଯାଉଛି।
