ୱାସିଂଟନ: ଆମେରିକା ବର୍ତ୍ତମାନ ମଧ୍ୟପ୍ରାଚ୍ୟରେ ଏକ ଦୀର୍ଘକାଳୀନ ସାମରିକ ସଂଘର୍ଷରେ ଫସି ରହିଛି। ଶାସନ କଳ ଏବଂ ସାମରିକ ଶକ୍ତି ମଧ୍ୟରେ ଚାଲିଥିବା ପରିବର୍ତ୍ତନ ଅନେକ ପ୍ରଶ୍ନ ଉଠାଇଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବାରମ୍ବାର ଦାବି କରୁଛନ୍ତି ଯେ, ଆମେରିକୀୟ ସାମରିକ ଶକ୍ତି ଇରାନର ସାମରିକ ଶକ୍ତିକୁ ଯଥେଷ୍ଟ ଦୁର୍ବଳ କରିଛି, କିନ୍ତୁ ସାମ୍ପ୍ରତିକ ଘଟଣାଗୁଡ଼ିକ ଏହି ଦାବି ଅପେକ୍ଷା ଭିନ୍ନ ଚିତ୍ର ଆଙ୍କୁଛି। ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନା ମଧ୍ୟରେ ଆମେରିକାର ସାମରିକ ନେତୃତ୍ୱର ଏହି ବଡ଼ ପରିବର୍ତ୍ତନ ଅନେକ ପ୍ରଶ୍ନ ଉଠାଇଛି। ଟ୍ରମ୍ପ ପ୍ରଶାସନ ମଧ୍ୟରେ ଆଉ ଏକ ବଡ଼ ନିଷ୍ପତ୍ତି ନିଆଯାଇଛି। ଆମେରିକାର ନୌସେନା ସଚିବ ଜନ୍ ଫାଲନଙ୍କୁ ତାଙ୍କ ପଦବୀରୁ ହଠାତ୍ ହଟାଇ ଦିଆଯାଇଛି। ଆମେରିକାର ପ୍ରତିରକ୍ଷା ବିଭାଗ ପେଣ୍ଟାଗନ୍ ଏହା ଘୋଷଣା କରିଛି। ଫାଲନ ତୁରନ୍ତ ତାଙ୍କ ପଦବୀ ଛାଡୁଛନ୍ତି ବୋଲି କୁହାଯାଇଛି। ଏହି ନିଷ୍ପତ୍ତିର କୌଣସି ସ୍ପଷ୍ଟ କାରଣ ସାର୍ବଜନୀନ ହୋଇନାହିଁ। ତେବେ ,ନେଇ କଳ୍ପନାଜଳ୍ପନା ଜାରି ରହିଛି।
ଏହା ପ୍ରଥମ ଏପରି ଘଟଣା ନୁହେଁ। ଚଳିତ ମାସ ଆରମ୍ଭରେ, ଆମେରିକାର ଶୀର୍ଷ ସାମରିକ ଅଧିକାରୀ ରାଣ୍ଡି ଜର୍ଜ ଏବଂ ଅନ୍ୟ ଦୁଇ ବରିଷ୍ଠ ଅଧିକାରୀଙ୍କୁ ସେମାନଙ୍କ ପଦବୀରୁ ହଟାଇ ଦିଆଯାଇଥିଲା। ଏହି ପରିବର୍ତ୍ତନଗୁଡ଼ିକ ଏପରି ସମୟରେ ଆସିଛି ଯେତେବେଳେ ଆମେରିକା ଏବଂ ଇରାନ ମଧ୍ୟରେ ଉତ୍ତେଜନା ଅଧିକ ରହିଛି ଏବଂ ପରିସ୍ଥିତି ଏପର୍ଯ୍ୟନ୍ତ ସମ୍ପୂର୍ଣ୍ଣ ନିୟନ୍ତ୍ରଣରେ ନାହିଁ ବୋଲି ବିବେଚନା କରାଯାଉଛି। ପେଣ୍ଟାଗନର ମୁଖପାତ୍ର ସିଆନ୍ ପାର୍ନେଲ୍ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ କହିଛନ୍ତି ଯେ ଜନ୍ ଫେଲାନ୍ ଆଉ ସରକାରଙ୍କର ଅଂଶ ହେବେ ନାହିଁ। ତାଙ୍କ ସ୍ଥାନରେ ହଙ୍ଗ୍ କାଓଙ୍କୁ ଅସ୍ଥାୟୀ ଭାବରେ ନିଯୁକ୍ତ କରାଯାଇଛି।
ଟ୍ରମ୍ପଙ୍କ ଦ୍ବିତୀୟ ପାଳି ପରଠାରୁ, ସାମରିକ ନେତୃତ୍ୱ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଦେଖିଛି। ଏଥିରେ ଫେବ୍ରୁଆରି ୨୦୨୫ ରେ ପୂର୍ବତନ ଯୁଗ୍ମ ମୁଖ୍ୟ କର୍ମଚାରୀ ଚାର୍ଲ୍ସ କ୍ୟୁ. ବ୍ରାଉନଙ୍କୁ ପଦରୁ ହଟାଯାଇଥିଲା। ନୌସେନା ଏବଂ ତଟରକ୍ଷୀ ବାହିନୀର ମୁଖ୍ୟ, ଜାତୀୟ ସୁରକ୍ଷା ସଂସ୍ଥାର ଅଧିକାରୀ ଏବଂ ବାୟୁସେନାର ଉଚ୍ଚ ପଦାଧିକାରୀଙ୍କ ସମେତ ଅନେକ ବରିଷ୍ଠ ଅଧିକାରୀଙ୍କୁ ମଧ୍ୟ ବଦଳାଯାଇଛି। ଏହି ସମ୍ପୂର୍ଣ୍ଣ ଘଟଣାକ୍ରମ ସମ୍ପର୍କରେ ଆମେରିକାର ପ୍ରତିରକ୍ଷା ସଚିବ ପିଟ୍ ହେଗସେଥ୍ କହିଛନ୍ତି ଯେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜ ପସନ୍ଦ ଅନୁଯାୟୀ ନେତୃତ୍ୱ ବାଛୁଛନ୍ତି। ତଥାପି, ଡେମୋକ୍ରାଟିକ୍ ନେତାମାନେ ଚିନ୍ତା ପ୍ରକାଶ କରିଛନ୍ତି। ସେମାନେ କହିଛନ୍ତି, ପାରମ୍ପାରିକ ଭାବରେ ନିରପେକ୍ଷ ଭାବରେ ବିବେଚିତ ଆମେରିକୀୟ ସେନାରେ ଏଭଳି ପଦକ୍ଷେପ ଦ୍ବାରା ରାଜନୈତିକ ପ୍ରଭାବ ବିପଦ ବୃଦ୍ଧି ହେଉଛି।
ସୌଜନ୍ୟ ସମ୍ବାଦ