Major disaster at Mahendragiri: ମହେନ୍ଦ୍ରଗିରିରେ ବଡ଼ ବିପର୍ଯ୍ୟୟ: ୫ ସ୍ଥାନରେ ଭୂସ୍ଖଳନ, ଗଙ୍ଗାବାଡ଼ ବିଚ୍ଛିନ୍ନ

ଭୂସ୍ଖଳନ ପରେ ରାସ୍ତାରୁ ମାଟି ଓ ପଥର ହଟାଇ ଯାତାୟାତ ସ୍ୱାଭାବିକ କରିବା ପ୍ରଶାସନ ପାଇଁ ବଡ଼ ଆହ୍ବାନ ହୋଇଛି। ଏପରିକି ରାସ୍ତାର ଅନେକ ଅଂଶ ଅତ୍ୟନ୍ତ ବିପଦସଙ୍କୁଳ ହୋଇପଡ଼ିଛି। ବର୍ତ୍ତମାନ ସାମାନ୍ୟ ବର୍ଷା ହେଉଥିଲେ ମଧ୍ୟ ପାହାଡ଼ ଉପରୁ ପାଣି ରାସ୍ତା ଉପରେ ପ୍ରବାହିତ ହେଉଛି। ମାଟି ଓ ପଥର ଦୁର୍ବଳ ହୋଇ ପୁଣି ଭୂସ୍ଖଳନର ଆଶଙ୍କା ରହିଛି। ଅନ୍ୟପକ୍ଷରେ ରାସ୍ତା ଅବରୋଧ ଯୋଗୁଁ ଗଙ୍ଗାବାଡ଼ ପଞ୍ଚାୟତର ବଡ଼ଦେଉଳା, ସାନଦେଉଳା, ପାଚିଡ଼ିଆ, ସାମୁଣ୍ଟିଆ, ବୁରୁଙ୍ଗୀ, ଶଗଡ଼ିଆ, ମୁନ୍ତାସାହି, ଅମାରିଙ୍ଗ ସମେତ ୧୦ରୁ ଅଧିକ ଗ୍ରାମର ଲୋକମାନେ  ନାହିଁ ନଥିବା ସମସ୍ୟାର ସମ୍ମୁଖୀନ ହୋଇଛନ୍ତି। ଗ୍ରାମବାସୀଙ୍କ ଦୈନନ୍ଦିନ ଜୀବନ ସହ ଜରୁରୀ ସ୍ୱାସ୍ଥ୍ୟସେବା, ଖାଦ୍ୟ ସାମଗ୍ରୀ ଯୋଗାଣ ଓ ଅନ୍ୟାନ୍ୟ ଆବଶ୍ୟକ କାର୍ଯ୍ୟ ପ୍ରଭାବିତ ହେବାର ଆଶଙ୍କା ରହିଛି।