Raveena Tandon : ରବିନା ଟଣ୍ଡନଙ୍କ ମାଆଙ୍କ ଘରୁ ଚୋରି, ୨୫ ଲକ୍ଷ ଟଙ୍କାର ଗହଣା ଓ ମହଙ୍ଗା ଘଣ୍ଟା ନେଇଥିବା ଅଭିଯୁକ୍ତ ଗିରଫ
ମୁମ୍ୱାଇ ୦୩।୦୬ : ବଲିଉଡ୍ ଅଭିନେତ୍ରୀ ରବିନା ଟଣ୍ଡନଙ୍କ ମାଆଙ୍କ ଘରୁ ଚୋରି। ପାଖାପାଖି ୨୫ ଲକ୍ଷ ଟଙ୍କାର ଗହଣା ଓ ମହଙ୍ଗା ଘଡ଼ି ଚୋରି ମାମଲାରେ ମୁମ୍ୱାଇ ପୋଲିସ ଜଣେ ମହିଳାଙ୍କୁ କରିଛି ଗିରଫ। ପୋଲିସ ଅନୁସାରେ, ଅଭିଯୁକ୍ତ ମହିଳା ଅନେକ ବର୍ଷ ଧରି ପରିବାରର ସଂପର୍କରେ ଥିଲେ ଏବଂ ସେ ଧିରେ ଧିରେ ପରିବାରର ବିଶ୍ୱାସ ଜିତି ଏହି କାମ କରିବାରେ ସଫଳ ହୋଇ ଥିଲେ।
ମୁମ୍ୱାଇ ପୋଲିସ ଅନୁଯା୍ୟୀ, ଗିରଫ କରାଯାଇ ଥିବା ମହିଳାଙ୍କ ନାଁ ରାଶି ଛାବରିଆ (୪୭ )ଏବଂ ତାଙ୍କର ବୟସ ୪୭ ବର୍ଷ ଥିବା କୁହାଯାଉଛି। ପୋଲିସ ଯାଞ୍ଚରେ ସାମ୍ନାକୁ ଆସିଛି ଯେ, ରାଶି ୨୦୨୦ ମସିହାରୁ ଟଣ୍ଡନଙ୍କ ପରିବାର ସହ ସଂପର୍କରେ ଥିଲେ। ସେ ଅଭିନେତ୍ରୀ ରବିନା ଟଣ୍ଡନଙ୍କ ମାଆ ବୀଣା ଟଣ୍ଡନଙ୍କ ଦେଖାଶୁଣା (କେୟାରଟେକର) କରିବା ପାଇଁ ଘରକୁ ଯା’ଆସ କରୁଥିଲେ, ଯେଉଁଥି ପାଇଁ ସେ ପରିବାରର ବିଶ୍ୱାସୀ ଲୋକ ହୋଇ ଯାଇଥିଲେ। ସେ ଖାଦ୍ୟ ପ୍ରସ୍ତୁତ କରିବା ଠାରୁ ନେଇ ବୀଣା ଟଣ୍ଡନଙ୍କ ଯତ୍ନ ନେବା ଯାଏ ସବୁ କାମ କରୁଥିଲେ।
ପୋଲିସ ଅଧିକାରୀଙ୍କ କହିବାନୁସାରେ , ସମୟ ସହ ଅଭିଯୁକ୍ତ ମହିଳା ପରିବାରର ଭରସା ଜିତି ଥିଲେ। ଏହି ଭରସାର ଫାଇଦା ଉଠାଇ ସେ କଥିତ ଭାବେ ଘରେ ରଖାଯାଇ ଥିବା ଦାମୀ ଜିନିଷ ଉପରେ ନଜର ରଖିଥିଲେ ଏବଂ ସୁଯୋଗ ପାଇଁ ଗହଣା ସହ ଦୁଇଟି ମହଙ୍ଗା ଘଣ୍ଟା ମଧ୍ୟ ଚୋରେଇ ନେଇଥିଲେ। ଯେତେବେଳ ପରିବାର ଲୋକ ଲକର ଖୋଲିଲେ ସେତେବେଳେ ସେଥିରେ ଥିବା ଗହଣା ଓ ଦାମୀ ଘଣ୍ଟା ନଥିଲା। ଏହାପରେ ଘରକୁ ଆସୁଥିବା ଲୋକଙ୍କ ବିଷୟରେ ତଲାସୀ କରାଗଲା। ରାଶି ଛାବରିଆଙ୍କୁ ମଧ୍ୟ ପଚରା ଗଲା। ହେଲେ ପ୍ରାରମ୍ଭିକ ପଚରାପଚରିରେ ସେ କିଛି ଚୋରି କରି ନଥିବା କହିଥିଲେ।
ସୌଜନ୍ୟ Prameya News7
