ପୁରୀ: ଆରମ୍ଭ ହେଲା ପହଣ୍ଡି । ପ୍ରଥମେ ଆରମ୍ଭ ହେଲା ପ୍ରଭୁ ସୁଦର୍ଶନଙ୍କ ପହଣ୍ଡି । ଶହ ଶହ ଭକ୍ତଙ୍କ ଗହଣରେ ପହଣ୍ଡି ଆରମ୍ଭ । ପବିତ୍ର ରଥଯାତ୍ରାରେ ଶ୍ରୀମନ୍ଦିରରୁ ରତ୍ନସିଂହାସନ ଛାଡ଼ି ବଡ଼ଦାଣ୍ଡକୁ ଆସନ୍ତି ଚତୁର୍ଦ୍ଧାମୂର୍ତ୍ତି। ଏହି ପହଣ୍ଡି ବିଜେ ସମୟରେ ସର୍ବପ୍ରଥମେ ଚକ୍ରରାଜ ପ୍ରଭୁ ସୁଦର୍ଶନଙ୍କ ପହଣ୍ଡି ଆରମ୍ଭ ହୋଇଥାଏ। ଘଣ୍ଟ, କାହାଳୀ ଓ ଶଙ୍ଖ ନାଦରେ ସମଗ୍ର ବଡ଼ଦାଣ୍ଡ ପ୍ରକମ୍ପିତ । ଦଇତାପତି ସେବାୟତମାନେ ପ୍ରଭୁଙ୍କୁ କାନ୍ଧରେ ବୋହି ‘ଧାଡ଼ି ପହଣ୍ଡି’ରେ ଶ୍ରୀମନ୍ଦିରର ସାତପାହାଚ ଦେଇ ବାହାରକୁ ଆଣୁଛନ୍ତି ।
ପ୍ରଭୁ ସୁଦର୍ଶନଙ୍କୁ ଦେବୀ ସୁଭଦ୍ରାଙ୍କ ‘ଦେବଦଳନ’ ରଥକୁ ବିଜେ କରାଯିବ। ଭକ୍ତମାନଙ୍କ ‘ହରିବୋଲ’ ଓ ‘ହୁଳହୁଳି’ ଶବ୍ଦରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି । ପ୍ରଭୁଙ୍କର ଏହି ମନୋରମ ପହଣ୍ଡି ଦେଖି ଭକ୍ତମାନେ ବିଭୋର । ସୁଦର୍ଶନଙ୍କ ପହଣ୍ଡି ପରେ କ୍ରମାନ୍ୱୟରେ ବଳଭଦ୍ର, ସୁଭଦ୍ରା ଓ ଶେଷରେ ଜଗନ୍ନାଥଙ୍କ ପହଣ୍ଡି ଅନୁଷ୍ଠିତ ହେବ । ଏହା ମହାପ୍ରଭୁଙ୍କ ମାନବୀୟ ଲୀଳାର ଏକ ଅନନ୍ୟ ପରମ୍ପରା।
ସୌଜନ୍ୟ ସମ୍ବାଦ
