Arrest: ମୁଖ୍ୟମନ୍ତ୍ରୀ ବିଜୟଙ୍କ ନାଁରେ ଅପମାନଜନକ ମନ୍ତବ୍ୟ: ଡିଏମ୍‌କେ ବିଧାୟକ ଗିରଫ

ମାର୍କଣ୍ଡେୟନଙ୍କ ବିରୋଧରେ ଭାରତୀୟ ନ୍ୟାୟ ସଂହିତା ଅଧୀନରେ ଅପରାଧିକ ଧମକ, ଶାନ୍ତି ଭଙ୍ଗ କରିବା ଉଦ୍ଦେଶ୍ୟରେ ଅପମାନଜନକ ଓ ଉତ୍ତେଜନା ସୃଷ୍ଟିକାରୀ ବୟାନ ଦେବା ଅଭିଯୋଗରେ ମାମଲା ରୁଜୁ କରାଯାଇଛି। ଟିଭିକେ ଜିଲ୍ଲା ସଚିବ ବାଲାସୁବ୍ରମଣ୍ୟମ୍‌ଙ୍କ ଅଭିଯୋଗକ୍ରମେ ମାର୍କଣ୍ଡେୟନଙ୍କୁ ଗିରଫ କରାଯାଇଛି।

ଗିରଫ ବିଧାୟକଙ୍କୁ ଥୁଟ୍ଟୁକୁଡ଼ି ଏସ୍‌ପି ଅଫିସରରେ ଜେରା କରାଯାଇଥିଲା। ଡିଏମ୍‌କେ ସାଂସଦ କାନିମୋଝି ଏହାକୁୁ ବିଜୟଙ୍କ ନେତୃତ୍ବାଧୀନ ଟିଭିକେ ସରକାରର ଦମନମୂଳକ କଡ଼ା କାର୍ଯ୍ୟାନୁଷ୍ଠାନ ବୋଲି କହି ସମାଲୋଚନା କରିବା ସହିତ ମାର୍କଣ୍ଡେୟନଙ୍କୁ ତୁରନ୍ତ ଖଲାସ କରିବାକୁ ଦାବି କରିଛନ୍ତି। ଏହାପୂର୍ବରୁ ଜୁଲାଇ ୩ ତାରିଖରେ ଡିଏମ୍‌କେ ବିଧାୟକ ଅନିଥା ଆର୍‌ ରାଧାକ୍ରିଷ୍ଣନଙ୍କୁ ବିଜୟଙ୍କ ବିରୋଧରେ ଅପମାନଜନକ ମନ୍ତବ୍ୟ ଦେବା ଅଭିଯୋଗରେ ଗିରଫ କରାଯାଇଥିଲା।