prahlad Joshi: ଦାୟିତ୍ବ ନେଲେ ପ୍ରହ୍ଲାଦ ଯୋଶୀ ଶିକ୍ଷା ମନ୍ତ୍ରାଳୟ ଅଧିକାରୀଙ୍କ ସହ ପ୍ରଥମ ସମୀକ୍ଷା ବୈଠକ ‘ଏହା ମୋ ପାଇଁ ଏକ ନୂଆ ବିଷୟବସ୍ତୁ’

ଦାୟିତ୍ବ ଗ୍ରହଣ କରିବାପରେ ଯୋଶୀ ଆଜି ଶିକ୍ଷା ମନ୍ତ୍ରାଳୟ ଅଧୀନରେ ଚାଲୁଥିବା ବିଭିନ୍ନ ପ୍ରମୁଖ ଯୋଜନା ଓ ପଦକ୍ଷେପର କାର୍ଯ୍ୟକାରିତାର ସମୀକ୍ଷା ପାଇଁ ଏକ ବୈଠକର ଅଧ୍ୟକ୍ଷତା କରିଥିଲେ। ଶିକ୍ଷା ବିଭାଗ ରାଷ୍ଟ୍ରମନ୍ତ୍ରୀ ଜୟନ୍ତ ଚୌଧୁରୀ ଏହି ସମୀକ୍ଷା ବୈଠକରେ ଉପସ୍ଥିତ ଥିଲେ। ବୈଠକରେ ମଧ୍ୟ ଉଚ୍ଚଶିକ୍ଷା ସଚିବ ଡ ବିନୀତ ଜୋଶୀ, ଗଣଶିକ୍ଷା ଓ ସାକ୍ଷରତା ସଚିବ ଟିକେ ଅନିଲ କୁମାରଙ୍କ ସମେତ ମନ୍ତ୍ରାଳୟର ଅନ୍ୟାନ୍ୟ ବରିଷ୍ଠ ଅଧିକାରୀ ମଧ୍ୟ ଯୋଗ ଦେଇଥିଲେ। ଦାୟିତ୍ବ ଗ୍ରହଣ କରିବାପରେ ଯୋଶୀ ସାମ୍ବାଦିକମାନଙ୍କୁ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୂର୍ଣ୍ଣ ବିଶ୍ବାସର ସହ ମୋ ଉପରେ ଏହି ନୂଆ ଦାୟିତ୍ବ ନ୍ୟସ୍ତ କରିଛନ୍ତି। ମୁଁ ସବୁକିଛି ବିସ୍ତୃତ ଭାବେ ସମୀକ୍ଷା କରୁଛି।

ପୂରା ମନ୍ତ୍ରାଳୟ କିଭଳି କାର୍ଯ୍ୟ କରୁଛି ତାହା ମୁଁ ଭଲଭାବେ ବୁଝିବାକୁ ଚେଷ୍ଟା କରୁଛି। ଏହା ମୋ ପାଇଁ ଏକ ନୂଆ ବିଷୟବସ୍ତୁ। ଆଜି ମୁଁ ଦାୟିତ୍ବ ନେବାପରେ ବରିଷ୍ଠ ଅଧିକାରୀମାନଙ୍କ ସହ ବିସ୍ତୃତ ଆ‌ଲୋଚନା କଲି। ଯୋଶୀ ସାମ୍ବାଦିକମାନଙ୍କୁ କହିଛନ୍ତି, ଏହା ଅତି ବଡ଼ ମନ୍ତ୍ରାଳୟ। ତେଣୁ ମୁଁ ଏହାକୁ ସମ୍ପୂର୍ଣ୍ଣ ଭା‌ବେ ବୁଝିବା ପରେ ହିଁ ଆପଣମାନଙ୍କ ସହ ବିସ୍ତୃତ ଭାବେ କଥା‌ ହୋଇପାରିବି। ଦାୟିତ୍ବ ନେବାପରେ ଯୋଶୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଜଣାଇଛନ୍ତି।