Abhishek Porel: ଆଇପିଏଲ ଷ୍ଟାର ଖେଳାଳିଙ୍କ ବିରୋଧରେ ଛାତ୍ରୀ ଆଣିଲେ ସଙ୍ଗୀନ ଅଭିଯୋଗ

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ)ରେ ଦିଲ୍ଲୀ କ୍ୟାପିଟାଲ୍ସ ପାଇଁ ଖେଳୁଥିବା ଜଣେ ଷ୍ଟାର ଭାରତୀୟ କ୍ରିକେଟଙ୍କୁ ପୁଲିସ ଗିରଫ କରିଛି। ଗିରଫ ଖେଳାଳିଙ୍କ ନାମ ଅଭିଷେକ ପୋରେଲ।  ବିବାହ ପ୍ରତିଶ୍ରୁତି ଦେଇ ସେ ଜଣେ ମହିଳାଙ୍କ ସହ ଶାରୀରିକ ସମ୍ପର୍କ ରଖିଥିବା ଅଭିଯୋଗ ହୋଇଛି।

ପୁଲିସ ଅଧିକାରୀ କୁନାର ଭୂଷଣ ସିଂହ କହିଛନ୍ତି ଯେ ପୋରେଲଙ୍କୁ ଗତକାଲି ବିଳମ୍ବିତ ରାତିରେ ଗିରଫ କରାଯାଇଛି ଏବଂ ଆଜି ତାଙ୍କୁ କୋର୍ଟରେ ହାଜର କରାଯିବ।  ଭାରତୀୟ ନ୍ୟାୟ ସଂହିତାର ବିଭିନ୍ନ ଧାରା ୬୯ ଏବଂ ସୂଚନା ପ୍ରଯୁକ୍ତିବିଦ୍ୟା ଆଇନର ବ୍ୟବସ୍ଥା ଅନୁଯାୟୀ କ୍ରିକେଟରଙ୍କ ବିରୋଧରେ ମାମଲା ରୁଜୁ କରାଯାଇଛି।

ଏପର୍ଯ୍ୟନ୍ତ, ପୋରେଲଙ୍କ ପରିବାର ପକ୍ଷରୁ ଏହି ବିଷୟରେ କୌଣସି ପ୍ରତିକ୍ରିୟା ମିଳିନାହିଁ। କର୍ଣ୍ଣାଟକର ଜଣେ ମହିଳା ଡାକ୍ତରୀ ଛାତ୍ରୀ ଜୁନ୍ ୨୩ ତାରିଖରେ ମୋଗରା ପୁଲିସ ଷ୍ଟେସନରେ ଅଭିଷେକ ପୋରେଲଙ୍କ ବିରୋଧରେ ଅଭିଯୋଗ ଦାଖଲ କରିଥିଲେ। ସେ କହିଥିଲେ ଯେ ସେ ଏବଂ ପୋରେଲ ପ୍ରାୟ ସାଢ଼େ ତିନି ବର୍ଷ ଧରି ସମ୍ପର୍କରେ ଥିଲେ ଏବଂ ବିବାହ କରିବାକୁ ଯୋଜନା କରିଥିଲେ।

ଅଭିଷେକ ପାରେଲଙ୍କ କ୍ୟାରିଅର

ବେଙ୍ଗଲ ପାଇଁ ଘରୋଇ କ୍ରିକେଟ୍ ଖେଳୁଥିବା ଅଭିଷେକ୍ ପୋରେଲ୍ ଏପର୍ଯ୍ୟନ୍ତ ୩୨ଟି ପ୍ରଥମ ଶ୍ରେଣୀ, ୨୩ଟି ଲିଷ୍ଟ-ଏ ଏବଂ ୬୧ଟି ଟି୨୦ ମ୍ୟାଚ୍ ଖେଳିସାରିଛନ୍ତି । ଏହାସହ ୨୦୨୩ ରୁ ଆଇପିଏଲରେ ସୁଯୋଗ ପାଇଥିବା ଅଭିଷେକ ଏପର୍ଯ୍ୟନ୍ତ ୩୫ଟି ଆଇପିଏଲ୍ ମ୍ୟାଚ୍ ଖେଳିଛନ୍ତି । ସେ ପ୍ରଥମ ଶ୍ରେଣୀ କ୍ରିକେଟରେ ୧୪୦୮ ରନ୍, ଲିଷ୍ଟ-ଏରେ ୮୩୩ ରନ୍ ଏବଂ ଟି୨୦ରେ ୧୫୯୦ ରନ୍ ସଂଗ୍ରହ କରିଛନ୍ତି । ଆଇପିଏଲର ୩୩ଟି ଇନିଂସରେ ବ୍ୟାଟିଂ କରି ସେ ୭୬୯ ରନ୍ ହାସଲ କରିଛନ୍ତି।

ସୌଜନ୍ୟ ସମ୍ବାଦ