ମନୋରଞ୍ଜନ
Actress Became Astrologer: ପ୍ରଥମ ଫିଲ୍ମରେ ଚର୍ଚ୍ଚାରେ ଆସିଥିଲେ ଟୁଲିପ୍ ଯୋଶୀ, ଏବେ ବଲିଉଡ୍ଠାରୁ ଦୂରେ ରହି କରୁଛନ୍ତି ଏହି କାମ
ନୂଆଦିଲ୍ଲୀ, ୧୦/୦୯: ହିନ୍ଦୀ ସିନେମା ଜଗତରେ ଏପରି ଅନେକ ଅଭିନେତ୍ରୀ ଅଛନ୍ତି, ଯେଉଁମାନେ ନିଜର ପ୍ରଥମ ଚଳଚ୍ଚିତ୍ରରୁ ହିଁ ଦର୍ଶକଙ୍କ ହୃଦୟ ଜିତିଥିଲେ। ତେବେ ସମୟ ବିତିବା ସହ ଏମାନଙ୍କ ମଧ୍ୟରୁ କିଛି ଜଣ ଗ୍ଲାମର ଦୁନିଆଠାରୁ ଦୂରେଇ ଯାଇଥିଲେ। ଏମିତି ଜଣେ ଅଭିନେତ୍ରୀ ହେଉଛନ୍ତି ଟୁଲିପ୍ ଯୋଶୀ।
ହିନ୍ଦୁ ପିତା, ଖ୍ରୀଷ୍ଟିଆନ ମାତା
ଟୁଲିପ୍ ଯୋଶୀଙ୍କ ଜନ୍ମ ୧୯୭୯ ମସିହା ସେପ୍ଟେମ୍ବର ୧୧ ତାରିଖରେ ମୁମ୍ବାଇରେ ହୋଇଥିଲା। ତାଙ୍କ ପିତା କିଶୋର ଯୋଶୀ ଗୁଜରାଟର ଜଣେ ହିନ୍ଦୁ ହୋଇଥିବା ବେଳେ, ତାଙ୍କ ମାତା ଜାବେଲ ଯୋଶୀ ଆର୍ମେନୀୟ ବଂଶୋଦ୍ଭବ ଖ୍ରୀଷ୍ଟିଆନ ଥିଲେ। ଟୁଲିପ୍ ମୁମ୍ବାଇର ପ୍ରସିଦ୍ଧ ଜମନାବାଇ ନରସୀ ସ୍କୁଲରେ ଶିକ୍ଷା ଗ୍ରହଣ କରିଥିଲେ। ପରେ ସେ ରସାୟନ ବିଜ୍ଞାନରେ ଡିଗ୍ରୀ ହାସଲ କରିଥିଲେ। କଲେଜରେ ପଢ଼ୁଥିବା ସମୟରୁ ହିଁ ସେ ବିଜ୍ଞାପନ ଜଗତରେ ପାଦ ରଖିଥିଲେ। ଏହି ଅନୁଭବ ପରବର୍ତ୍ତୀ ସମୟରେ ତାଙ୍କୁ ଅଭିନୟ ଦୁନିଆରେ ପ୍ରବେଶ କରିବାର ସୁଯୋଗ ଦେଇଥିଲା।
ସୌଜନ୍ୟ ପ୍ରମେୟ
