Judgement: ପଥର ଖଣି ଯାଞ୍ଚ ପାଇଁ ଆଇନଜୀବୀଙ୍କୁ ସ୍ବତନ୍ତ୍ର ଅଧିକାରୀ ଭାବେ ନିଯୁକ୍ତ କଲେ ହାଇକୋର୍ଟ

ଖଣି ଖନନ କାର୍ଯ୍ୟକୁ ପ୍ରଶ୍ରୟ?

ଆବେଦନକାରୀଙ୍କ ଅଭିଯୋଗ ଅନୁଯାୟୀ, ସମସ୍ତ ଆନୁଷଙ୍ଗିକ ଆଇନଗତ ପ୍ରକ୍ରିୟା, କାଗଜପତ୍ର ଦାଖଲ ଓ ଔପଚାରିକତା ପୂରଣ କରିବା ସତ୍ତ୍ୱେ ପ୍ରଶାସନ ପକ୍ଷରୁ ତାଙ୍କୁ ପଥର ଖଣି ବାବଦରେ ଆବଶ୍ୟକ ଅନୁମତି ଓ ସୁବିଧା ଦିଆଯାଉ ନାହିଁ। ଓଲଟା ପ୍ରଶାସନ ବେଆଇନ ଖଣି ଖନନ କାର୍ଯ୍ୟକୁ ପ୍ରଶ୍ରୟ ଦେଉଛି। ଏ ନେଇ ଗୁଗୁଲ ଆପ୍ ଜରିଆରେ ଉତ୍ତୋଳିତ କିଛି ଫଟୋଚିତ୍ର ମଧ୍ୟ ଶୁଣାଣି ବେଳେ ଉପସ୍ଥାପନ କରାଯାଇଥିଲା। ବେଆଇନ ବ୍ଲାଷ୍ଟିଂ ଓ ପଥର ପରିବହନ ସଂକ୍ରାନ୍ତରେ ଏଥିରୁ ସ୍ପଷ୍ଟ ହୋଇଥିଲା। ହାଇକୋର୍ଟ ଏହି ମାମଲାକୁ ଗୁରୁତ୍ବର ସହିତ ଗ୍ରହଣ କରି କହିଛନ୍ତି ଯେ, ପ୍ରାକୃତିକ ସମ୍ପଦ ହେଉଛି ଜାତୀୟ ସମ୍ପତ୍ତି। ଏହାର ଅପବ୍ୟବହାର ବା ଚୋରିକୁ ରୋକିବା ପାଇଁ ସୁପ୍ରିମକୋର୍ଟ ତଥା ହାଇକୋର୍ଟ ପୂର୍ବରୁ ମଧ୍ୟ କଡ଼ା ନିର୍ଦ୍ଦେଶ ଦେଇଆସିଛନ୍ତି। ମାମଲାର ପରବର୍ତ୍ତୀ ଶୁଣାଣି ଅକ୍ଟୋବର ୧୫କୁ ଧାର୍ଯ୍ୟ କରାଯାଇଛି। ଆବେଦନକାରୀଙ୍କ ତରଫରୁ ବରିଷ୍ଠ ଆଇନଜୀବୀ ପ୍ରଫୁଲ୍ଲ କୁମାର ରଥ ମାମଲା ପରିଚାଳନା କରୁଛନ୍ତି।