Cricket: ସିକେ ନାଇଡୁ ଟ୍ରଫି: ଓଡ଼ିଶା ୧୫୯ ରନ୍‌ରେ ଅଲଆଉଟ୍‌

ଦ୍ବିତୀୟ ଦିନରେ କିନ୍ତୁ ଦଳ ନିରାଶ କରିଛି। ଗତକାଲି ୩୨ ରନ୍‌ କରି ଅପରାଜିତ ଥିବା ପନକଳା ଶଶାଙ୍କ ମାତ୍ର ୬ ରନ୍‌ ଯୋଡ଼ି ଆଉଟ୍‌ ହୋଇଥିଲେ। ଏହାପରେ ଓଡ଼ିଶାର ଗୋଟିଏ ପରେ ଗୋଟିଏ ୱିକେଟ୍‌ ଝଡ଼ି ଚାଲିଥିଲା। ବିହାରର ବୋଲର୍‌ ଭାନୁଦେବ ପ୍ରସାଦ ସିଂହ ୬ଟି ଏବଂ ସୁମନ କୁମାର ୩ଟି ୱିକେଟ୍‌ ବାଣ୍ଟି ନେଇଥିଲେ। ଫଳରେ ଓଡ଼ିଶାର ପ୍ରଥମ ପାଳି ମାତ୍ର ୧୫୯ ରନ୍‌ରେ ସୀମିତ ରହିଥିଲା।

ପ୍ରଥମ ପାଳିରେ ୪୮ ରନ୍‌ର ଅଗ୍ରଣୀ ପାଇଥିବା ବିହାର ଦଳ ଦ୍ବିତୀୟ ପାଳିରେ ଭଲ ଆରମ୍ଭ କରିଛି। ଦ୍ବିତୀୟ ଦିନ ଖେଳ ଶେଷ ବେଳକୁ ଏହି ଦଳ ୨ ୱିକେଟ୍‌ ହରାଇ ୧୫୫ ରନ୍‌ କରି ଦୃଢ଼ ସ୍ଥିତିରେ ରହିଛି। ଶିଭମ୍‌ ରାଜ ୮୪ ଓ ପ୍ରଶାନ୍ତ ଧୀରଜ ୬୨ ରନ୍‌ର ପାଳି ଖେଳିଥିଲେ।