ଦେଶ ବିଦେଶ
Gold Smuggling Racket ବସ୍ରୁ ୩.୧ କେଜି ସୁନା ବିସ୍କିଟ୍, ସ୍କର୍ପିଓରୁ ବିପୁଳ ବିଦେଶୀ ମୁଦ୍ରା ଜବତ, ୫ ଗିରଫ
ଡିଆର୍ଆଇ ଆନ୍ତର୍ଜାତୀୟ ସୁନା ଚୋରାଚାଲାଣ ରାକେଟ୍ର ପର୍ଦ୍ଦାଫାସ୍ କରି ୩.୧ କେଜି ସୁନା ବିସ୍କୁଟ୍ ଓ ବିଦେଶୀ ମୁଦ୍ରା ଜବତ କରିଛି। ଜବତ ସାମଗ୍ରୀର ମୂଲ୍ୟ ୫.୮୪ କୋଟି ଟଙ୍କା ଆକଳନ କରାଯାଇଥିବା ବେଳେ ୫ ଜଣ ଗିରଫ ହୋଇଛନ୍ତି।
ଭୁବନେଶ୍ବର: ବାଂଲାଦେଶରୁ ସୁନା ଚୋରାଚାଲାଣ କରି ଭାୟା କୋଲକାତା ଦେଇ ହାଇଦ୍ରାବାଦ ଯାଉଥିବା ଏକ ଆନ୍ତର୍ଜାତୀୟ ସୁନା ଚୋରାଚାଲାଣ ରାକେଟ୍ର ପର୍ଦ୍ଦାଫାସ୍ କରିଛି ରାଜସ୍ବ ଗୁଇନ୍ଦା ନିର୍ଦ୍ଦେଶାଳୟ(ଡିଆର୍ଆଇ)। ରୢାକେଟ୍ରେ ସମ୍ପୃକ୍ତ ୫ ଜଣ ମାଫିଆଙ୍କୁ ଗିରଫ କରି ସେମାନଙ୍କ ନିକଟରୁ ପ୍ରାୟ ୩.୧ କିଲୋଗ୍ରାମ ସୁନା ଓ ବିପୁଳ ପରିମାଣର ବିଦେଶୀ ମୁଦ୍ରା ଜବତ କରାଯାଇଛି। ଜବତ ସୁନା ଓ ବିଦେଶୀ ମୁଦ୍ରାର ମୋଟ ମୂଲ୍ୟ ଆନୁମାନିକ ୫.୮୪ କୋଟି ଟଙ୍କା ହେବ ବୋଲି ଆକଳନ କରାଯାଇଛି।
