Terrorist Attack: ନିଖୋଜ ୨ଏସ୍ପିଓଙ୍କ ମୃତଦେହ ଘଞ୍ଚ ଜଙ୍ଗଲ ଭିତରୁ ଉଦ୍ଧାର
ଜମ୍ମୁ-କଶ୍ମୀରର କିସ୍ତୱାର ଜିଲ୍ଲାରେ ଆତଙ୍କବାଦୀଙ୍କ ବର୍ବର କାଣ୍ଡ। ଦଚ୍ଛନ ଅଞ୍ଚଳରୁ ବୁଧବାରଠାରୁ ନିଖୋଜ ଥିବା ଦୁଇ ଜଣ ସ୍ପେଶାଲ୍ ପୁଲିସ ଅଫିସର (ଏସ୍ପିଓ)ଙ୍କ ମୃତଦେହ ଗୁରୁବାର ଉଦ୍ଧାର କରାଯାଇଛି। ଉଭୟଙ୍କୁ ଅପହରଣ କରିବା ପରେ ଗୁଳିମାଡ଼ କରି ହତ୍ୟା କରିଛନ୍ତି ଆତଙ୍କବାଦୀ।
ଶ୍ରୀନଗର: ଜମ୍ମୁ-କଶ୍ମୀରର କିସ୍ତୱାଡ଼ ଜିଲ୍ଲାରେ ଆତଙ୍କବାଦୀଙ୍କ ବର୍ବର କାଣ୍ଡ। ଦଚ୍ଛନ ଅଞ୍ଚଳରୁ ବୁଧବାରଠାରୁ ନିଖୋଜ ଥିବା ଦୁଇ ଜଣ ସ୍ପେଶାଲ୍ ପୁଲିସ ଅଫିସର (ଏସ୍ପିଓ)ଙ୍କ ମୃତଦେହ ଗୁରୁବାର ଉଦ୍ଧାର କରାଯାଇଛି। ଉଭୟଙ୍କୁ ଅପହରଣ କରିବା ପରେ ଗୁଳିମାଡ଼ କରି ହତ୍ୟା କରିଛନ୍ତି ଆତଙ୍କବାଦୀ। ମୃତଦେହରେ ଏକାଧିକ ଗୁଳିମାଡ଼ର ଚିହ୍ନ ରହିଥିବା ଜଣାପଡ଼ିଛି।
ଅଧିକାରୀଙ୍କ ଅନୁଯାୟୀ, ପୁଲିସ କର୍ମଚାରୀଙ୍କ ସର୍ଭିସ୍ ଅସ୍ତ୍ରଶସ୍ତ୍ର ମିଳି ନାହିଁ। ଏହା ଘଟଣାରେ ଆତଙ୍କବାଦୀଙ୍କ ସମ୍ପୃକ୍ତି ସନ୍ଦେହ ସୃଷ୍ଟି କରୁଛି। ମୃତକଙ୍କ ନାମ ବବି ଚାନ୍ଦ ଏବଂ ବରଶପାଲ କୁମାର। ସେମାନେ ସ୍ଥାନୀୟ ପୁଲିସର ସ୍ପେଶାଲ ଅପରେସନ୍ସ ଗ୍ରୁପ୍ (ଏସଓଜି)ରେ ଦଚ୍ଚନର କିୟାର ଗାଁରେ ନିଯୁକ୍ତ ଥିଲେ। ବୁଧବାର ଦିନ ସେମାନେ ସେମାନଙ୍କ ଶିବିରରୁ ଧରଣା-ମାରୱାହରେ ଏକ ସେନା ପୋଷ୍ଟକୁ ଯାତ୍ରା କରୁଥିବା ସମୟରେ ନିଖୋଜ ହୋଇଯାଇଥିଲେ। ଦୁଇ ସୈନିକଙ୍କ ସହ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା ଏବଂ ସେମାନଙ୍କ ମୋବାଇଲ୍ ଫୋନ୍ ବନ୍ଦ ହୋଇଯାଇଥିଲା।
କିସ୍ତୱାରରେ ଉତ୍ତେଜନା ସୃଷ୍ଟି
ରିପୋର୍ଟ ଅନୁସାରେ, ଦୁଇ ଯବାନ ନଭେମ୍ବର ୧୧ ତାରିଖ ଅପରାହ୍ନରେ ସେମାନେ ସେନା କର୍ମଚାରୀଙ୍କ ସହିତ ପାଟ୍ରୋଲିଂ କରୁଥିଲେ ଏବଂ ଧେର୍ନା ପୋଷ୍ଟ ଆଡକୁ ଯାଉଥିବା ସମୟରେ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା। ଏହାର ଠିକ୍ ପୂର୍ବରୁ, ଅପରାହ୍ନ ପ୍ରାୟ ସାଢ଼େ ୩ଟା ସମୟରେ ଅଞ୍ଚଳରେ ଗୁଳି ବିନିମୟ ଶବ୍ଦ ଶୁଣାଯାଇଥିଲା। ଆତଙ୍କବାଦୀ ଆକ୍ରମଣ ଏବଂ ଯବାନଙ୍କ ହତ୍ୟା କିସ୍ତୱାରରେ ଉତ୍ତେଜନା ସୃଷ୍ଟି କରିଛି। କିସ୍ତୱାରରେ ଦୁଇ ନିଖୋଜ ସ୍ୱତନ୍ତ୍ର ପୋଲିସ ଅଧିକାରୀଙ୍କ ମୃତଦେହ ଉଦ୍ଧାର ହେବା ପରେ, ସର୍ଚ୍ଚ ଅପରେସନକୁ ଜୋରଦାର୍ କରାଯାଇଛି।
କିସ୍ତୱାରର ବିଜେପି ବିଧାୟକ ଶାଗୁନ ପରିହାର କହିଛନ୍ତି, ଏହା ଏକ ଅତ୍ୟନ୍ତ ଦୁଃଖଦ ଘଟଣା। ଆମର ଦୁଇ ଜଣ ସ୍ୱତନ୍ତ୍ର ପୋଲିସ ଅଧିକାରୀଙ୍କୁ ହତ୍ୟା କରାଯାଇଛି। ଗତକାଲି ରାତିରେ ସେମାନଙ୍କ ନିଖୋଜ ରିପୋର୍ଟ ହୋଇଥିଲା ଏବଂ ଆଜି ସକାଳେ ସେମାନଙ୍କ ମୃତଦେହ ଉଦ୍ଧାର କରାଯାଇଛି। ଗୋଟିଏ ମୃତଦେହ ସକାଳ ପ୍ରାୟ ୮ଟା ଏବଂ ଅନ୍ୟଟି ସକାଳ ୯ଟା ସମୟରେ ମିଳିଛି। ପାକିସ୍ତାନ ନିଜର ଘୃଣ୍ୟ ଯୋଜନାରୁ ନିବୃତ୍ତ ହେଉନାହିଁ। ଆମେ ଗୃହମନ୍ତ୍ରୀଙ୍କୁ ଏହି ଦୁଇ ସ୍ୱତନ୍ତ୍ର ପୁଲିସ ଅଧିକାରୀଙ୍କ ମୃତ୍ୟୁ ପାଇଁ ଦାୟୀ ଲୋକଙ୍କୁ ତୁରନ୍ତ ଦଣ୍ଡ ଦେବାକୁ ନିବେଦନ କରୁଛୁ। ଆମେ ଦାବି କରୁଛୁ ଯେ, ଏହି ଦୁଇଟି ଜୀବନ ବଦଳରେ ଚାରି ଗୁଣା କଡ଼ା ଜବାବ ଦିଆଯାଉ।
ସୌଜନ୍ୟ ସମ୍ବାଦ
