ଦେଶ ବିଦେଶ
Accident: ମହାରାଷ୍ଟ୍ରରେ ମର୍ମନ୍ତୁଦ ସଡ଼କ ଦୁର୍ଘଟଣା
ମହାରାଷ୍ଟ୍ରରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଯାଇଛି। ମହାରାଷ୍ଟ୍ରର ୱାର୍ଧା ଜିଲ୍ଲାରେ ଏକ କଣ୍ଟେନର ଟ୍ରକ୍ ଏକ କାର୍କୁ ଧକ୍କା ଦେବା ସହ ତା’ ଉପରେ ଓଲଟିପଡ଼ିବା ଫଳରେ ୨ଟି ଯାକ ଗାଡ଼ିରେ ନିଆଁ ଲାଗି ଯାଇଥିଲା।
ମୁମ୍ବାଇ: ମହାରାଷ୍ଟ୍ରରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଯାଇଛି। ମହାରାଷ୍ଟ୍ରର ୱାର୍ଧା ଜିଲ୍ଲାରେ ଏକ କଣ୍ଟେନର ଟ୍ରକ୍ ଏକ କାର୍କୁ ଧକ୍କା ଦେବା ସହ ତା’ ଉପରେ ଓଲଟିପଡ଼ିବା ଫଳରେ ୨ଟି ଯାକ ଗାଡ଼ିରେ ନିଆଁ ଲାଗି ଯାଇଥିଲା। ଏହି ଘଟଣାରେ କାର୍ରେ ଯାଉଥିବା ସମସ୍ତ ୪ ଜଣ ଏବଂ ଟ୍ରକ୍ ଡ୍ରାଇଭର ଓ ହେଲ୍ପର ଜୀବନ୍ତ ଦଗ୍ଧ ହୋଇଯାଇଛନ୍ତି। ମୁମ୍ବାଇରୁ ନାଗପୁରକୁ ଯୋଡ଼ୁଥିବା ୬ ଥାକିଆ ଏକ୍ସପ୍ରେସ୍ୱେ ସମୃଦ୍ଧି ମହାମାର୍ଗରେ ଆଜି ଏହି ଦୁର୍ଘଟଣା ହୋଇଛି। ତଦନ୍ତରୁ ଜଣାପଡ଼ିଛି ଯେ ଏକ ଇଥାନଲ୍ ବୋଝେଇ ଟ୍ରକ୍ ଓଲଟି ପଡ଼ିବା ଫଳରେ ରାସ୍ତା ବନ୍ଦ ରହି ଟ୍ରାଫିକ୍ ଜାମ୍ ସମସ୍ୟା ଉପୁଜିଥିଲା। ଏହି ସମୟରେ ପୁଣେରୁ ୱାର୍ଧା ଯାଉଥିବା ଏକ କାର୍କୁ ଏକ ଲଙ୍କା ବୋଝେଇ ଦ୍ରୁତଗାମୀ ଟ୍ରକ୍ ଧକ୍କା ଦେଇଥିଲା। କାର୍ଟି ଟ୍ରକ୍ ତଳେ ଚାପି ହୋଇଯାଇଥିଲା ଏବଂ ୨ଟି ଯାକ ଗାଡ଼ି ଜଳି ଯାଇଥିଲା।
ସୌଜନ୍ୟ ସମ୍ବାଦ
