ଗୁଆହାଟୀ: ବୁଧବାର ଆସାମ ପାଇଁ ଏକ୍ଜିଟ୍ ପୋଲ୍ ପୂର୍ବାନୁମାନ ପ୍ରକାଶ ପାଇଛି। ଏଥିରେ ଭାରତୀୟ ଜନତା ପାର୍ଟି (ବିଜେପି) ପାଇଁ ବିପୁଳ ଆସନରେ ବିଜୟୀ ହେବ ବୋଲି ଦର୍ଶାଯାଇଛି।
ସର୍ଭେରୁ ଜଣାପଡ଼ିଛି ଯେ, ୪୮ ପ୍ରତିଶତ ଭୋଟର ହିମନ୍ତ ବିଶ୍ୱଶର୍ମାଙ୍କୁ ମୁଖ୍ୟମନ୍ତ୍ରୀ ଭାବେ ପସନ୍ଦ କରୁଥିବା ବେଳେ କଂଗ୍ରେସ ନେତା ଗୌରବ ଗୋଗୋଇଙ୍କ ଅନୁମୋଦନ ରେଟିଂ ୩୨ ପ୍ରତିଶତ ରହିଛି। ଆସାମର ଅଧା ସଂଖ୍ୟା ହେଉଛି ୬୪। ଆସାମରେ ଏପ୍ରିଲ ୯ ତାରିଖରେ ଗୋଟିଏ ପର୍ଯ୍ୟାୟରେ ମତଦାନ ହୋଇଥିବାବେଳେ ମେ ୪ ତାରିଖରେ ଭୋଟ ଗଣତି ହେବାର କାର୍ଯ୍ୟକ୍ରମ ରହିଛି। ଭାରତର ନିର୍ବାଚନ ଆୟୋଗଙ୍କ ଅନୁଯାୟୀ ରାଜ୍ୟରେ ୮୫.୩୮ ପ୍ରତିଶତ ମତଦାନ ରେକର୍ଡ କରାଯାଇଛି। ୨୦୨୧ ନିର୍ବାଚନରେ ବିଜେପି ୬୦ଟି ଆସନ ପାଇଥିବା ବେଳେ ବିରୋଧୀ କଂଗ୍ରେସକୁ ୨୯ ଓ ଏଆଇୟୁଡିଏଫ୍କୁ ୧୬ଟି ଆସନ ମିଳିଥିଲା।
ସୌଜନ୍ୟ ସମ୍ବାଦ