Assam Assembiy Election: ଜୋରହାଟ ଆସନରୁ ହାରିଲେ ଗୌରବ ଗୋଗୋଇ- ପଛରେ ଅନ୍ୟ ଦୁଇ ଗୋଗୋଇ
ଗୁଆହାଟୀ: ଆସାମର ଜୋରହାଟ ଆସନରେ କଂଗ୍ରେସ ନେତା ଗୌରବ ଗୋଗୋଇ ପରାଜିତ ହୋଇଛନ୍ତି। ବିଜେପିର ହିତେନ୍ଦ୍ର ନାଥ ଗୋସ୍ବାମୀ ୨୧,୦୦୦ ଭୋଟ ମାର୍ଜିନରେ ଗୌରବଙ୍କୁ ପରାସ୍ତ କରିଛନ୍ତି। ସକାଳୁ ଗଣନା ଆଗକୁ ବଢ଼ିବା ସହିତ ଗୋସ୍ୱାମୀ ଏକ ସ୍ଥିର ଅଗ୍ରଣୀ ବଜାୟ ରଖିଥିଲେ। ଶେଷରେ ଏହି ହାଇ-ପ୍ରୋଫାଇଲ୍ ନିର୍ବାଚନୀ ଲଢ଼େଇରେ ସହଜଜନକ ବିଜୟ ହାସଲ କରିଛନ୍ତି।
ବିଜେପି ପୁଣି କ୍ଷମତା ବଜାୟ ରଖିବାର ସମ୍ଭାବନା ଉଜ୍ଜ୍ବଳ
ଆସାମରେ ହିମନ୍ତ ବିଶ୍ବଶର୍ମା ନେତୃତ୍ବାଧୀନ ବିଜେପି ପୁଣି ଥରେ କ୍ଷମତା ବଜାୟ ରଖିବାର ସମ୍ଭାବନା ଉଜ୍ଜ୍ବଳ ହୋଇଛି। ସଦ୍ୟତମ ଗଣନା ଅନୁଯାୟୀ ବିଜେପି ୬୬ ଆସନ, କଂଗ୍ରେସ ୩୦ ଆସନ, ଏନ୍ଡିଏର ସହଯୋଗୀ ଦଳ ଏଜିପି ୮ ଆସନ ଓ ଏଆଇୟୁଡିଏଫ୍ ୨ଟି ଆସନରେ ଆଗୁଆ ରହିଛନ୍ତି। ଅନ୍ୟପକ୍ଷରେ ଆସାମର ଅନ୍ୟ ଦୁଇ ପ୍ରମୁଖ ବିରୋଧୀ ନେତା – ଅଖିଳ ଗୋଗୋଇ ଓ ଲୁରିଞ୍ଜ୍ୟୋତି ଗୋଗୋଇ ମଧ୍ୟ ପଛରେ ଅଛନ୍ତି। ରାଇଜୋର ଦଳ ସଭାପତି ଅଖିଳ ଗୋଗୋଇ ବିଜେପିର କୁଶଲ ଡୋୱାରିଙ୍କଠାରୁ ୩୨୮ ଭୋଟରେ ପଛରେ ଅଛନ୍ତି। ଆସାମ ଜାତୀୟ ପରିଷଦ ଅଧ୍ୟକ୍ଷ ଲୁରିଞ୍ଜ୍ୟୋତି ଗୋଗୋଇ ବିଜେପିର ଚକ୍ରଧର ଗୋଗୋଇଙ୍କଠାରୁ ୬୨୦୫ ଭୋଟରେ ପଛରେ ଅଛନ୍ତି।
ସୌଜନ୍ୟ ସମ୍ବାଦ
