Bihar: ଚୋରି ଭୟରେ ୨ ମହଲା ଛାତକୁ ଏସ୍ୟୁଭି ଉଠାଇଲେ ବିହାର ବ୍ୟକ୍ତି
ବିହାରରେ ଜଣେ ବ୍ୟକ୍ତି ନିକଟରେ ମହୀନ୍ଦ୍ରା ସ୍କର୍ପିଓ କ୍ଲାସିକ୍ ଗାଡ଼ି କିଣିଥିଲେ। ଏହି ଗାଡ଼ିଟି ଚୋରି ହୋଇଯିବା ଭୟରେ ସେ ଏହାକୁ ତାଙ୍କ ୨ ମହଲା ବିଶିଷ୍ଟ ଘରର ଛାତ ଉପରକୁ ଉଠାଇଛନ୍ତି। ଗାଡ଼ିଟିକୁ ଏକ କ୍ରେନ୍ ସାହାଯ୍ୟରେ ଉପରକୁ ଉଠାଇ ଏହାକୁ ଘରର ଛାତ ଉପରେ ରଖାଯାଉଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି
ପାଟନା: ବିହାରରେ ଜଣେ ବ୍ୟକ୍ତି ନିକଟରେ ମହୀନ୍ଦ୍ରା ସ୍କର୍ପିଓ କ୍ଲାସିକ୍ ଗାଡ଼ି କିଣିଥିଲେ। ଏହି ଗାଡ଼ିଟି ଚୋରି ହୋଇଯିବା ଭୟରେ ସେ ଏହାକୁ ତାଙ୍କ ୨ ମହଲା ବିଶିଷ୍ଟ ଘରର ଛାତ ଉପରକୁ ଉଠାଇଛନ୍ତି। ଗାଡ଼ିଟିକୁ ଏକ କ୍ରେନ୍ ସାହାଯ୍ୟରେ ଉପରକୁ ଉଠାଇ ଏହାକୁ ଘରର ଛାତ ଉପରେ ରଖାଯାଉଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି। ମିଳିଥିବା ସୂଚନାନୁଯାୟୀ, ଏସ୍ୟୁଭିଟି ମନୋଜ ଯାଦବ ନାମକ ଜଣେ ବ୍ୟକ୍ତିଙ୍କର। ସେ ନିକଟରେ ଏହି ଗାଡ଼ିକୁ କିଣିଥିଲେ।
ଯାଦବ ଇସ୍ରାଏଲରେ କାମ କରନ୍ତି ଏବଂ ସେ ଜଣେ ଡ୍ରାଇଭରଙ୍କ ହେପାଜତରେ ଗାଡ଼ିକୁ ଛାଡ଼ି ଯାଇଥିଲେ। କିନ୍ତୁ ପରେ ଡ୍ରାଇଭର ମଧ୍ୟ ଚାଲିଯିବାରୁ ତାଙ୍କ ଗାଡ଼ିର ସୁରକ୍ଷାକୁ ନେଇ ସେ ଚିନ୍ତା ପ୍ରକଟ କରିଥିଲେ। ପରେ ପରିବାର ସଦସ୍ୟ କାର୍କୁ ଘରର ଛାତ ଉପରକୁ ଉଠାଇବା ପାଇଁ ନିଷ୍ପତ୍ତି ନେଇଥିଲେ। କ୍ରେନ୍ ସାହାଯ୍ୟରେ କାର୍କୁ ଛାତ ଉପରକୁ ଉଠାଯାଇଛି। ଭାଇରାଲ୍ ଭିଡିଓ ଏବଂ ସ୍ଥାନୀୟ ବାସିନ୍ଦାଙ୍କଠାରୁ ଖବର ପାଇବା ପରେ ଏହି ଅସାଧାରଣ ଘଟଣା ଏବେ ଅନ୍ଲାଇନ୍ରେ ଆଲୋଚନାର ବିଷୟ ପାଲଟିଛି।
ସୌଜନ୍ୟ ସମ୍ବାଦ
