Cricket: ଭାରତ-ଆଫଗାନିସ୍ତାନ ଟି୨୦ ଶୃଙ୍ଖଳାରେ କାହାକୁ ମିଳିବ ସୁଯୋଗ? ହାର୍ଦ୍ଦିକ-ବୁମରାଙ୍କୁ ନେଇ ଦ୍ବନ୍ଦ୍ବ ଜାରି

ଟି୨୦ ଶୃଙ୍ଖଳା ଆସନ୍ତା ସେପ୍ଟେମ୍ବର ୧୩ ତାରିଖ ଠାରୁ ଆରମ୍ଭ ହେବ। ପ୍ରଶଂସକଙ୍କ ପାଇଁ ଭଲ ଖବର ଯେ, ଏହି ଶୃଙ୍ଖଳାର ୩ଟି ମ୍ୟାଚ୍‌ ଅରୁଣ ଜେଟଲୀ ଷ୍ଟାଡିୟମରେ ଖେଳାଯିବ। ସମସ୍ତ ମ୍ୟାଚ୍‌ ସନ୍ଧ୍ୟା ୭ଟାରେ ଆରମ୍ଭ ହେବ।

ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଚୟନକାରୀ ଏହି ଶୃଙ୍ଖଳା ପାଇଁ ଏସୀୟ କ୍ରୀଡ଼ାରେ ଯୋଗ ଦେଉଥିବା ଖେଳାଳିମାନଙ୍କର ଉପରେ ଭରସା କରିପାରନ୍ତି। ଯଦି ଏହା ହୁଏ, ତା’ହେଲେ ଶ୍ରେୟସ ଆୟର ଟିମ୍‌ର ନେତୃତ୍ବ ନେବେ। ତାଙ୍କ ବ୍ୟତୀତ ଈଶାନ କିଶନ, ଅଭିଷେକ ଶର୍ମା, ବୈଭବ ସୂର୍ଯ୍ୟବଂଶୀ ଏବଂ ତିଳକ ବର୍ମାଙ୍କ ଭଳି ଖେଳାଳିଙ୍କୁ ଟିମ୍‌ରେ ସ୍ଥାନ ମିଳିପାରେ।

ଏହା ବ୍ୟତୀତ କୁହାଯାଉଛି ଯେ, ସ୍ପିନର ବରୁଣ ଚକ୍ରବର୍ତ୍ତୀ ଏବେ ସଂପୂର୍ଣ୍ଣ ଭାବେ ସୁସ୍ଥ ହୋଇଯାଇଛନ୍ତି। ତାଙ୍କୁ ମଧ୍ୟ ଦଳରେ ସ୍ଥାନ ମିଳିପାରେ। ଟିମ ଚୟନ ପୂର୍ବରୁ ଚୟନକାରୀଙ୍କ ପାଇଁ ସବୁଠାରୁ ବଡ଼ କାମ ହାର୍ଦ୍ଦିକ ପାଣ୍ଡ୍ୟା, ଯଶପ୍ରୀତ ବୁମରା ଏବଂ ନୀତୀଶ କୁମାର ରେଡ୍ଡୀଙ୍କ ଫିଟ୍‌ନେସ୍‌ଙ୍କ ଉପରେ ନଜର ପକାଇବାକୁ ହେବ। ହାର୍ଦ୍ଦିକ ଏବଂ ନୀତୀଶ ଦୀର୍ଘ ଦିନ ହେଲା ଆଘାତ ପାଇଛନ୍ତି। ଯଦି ଉଭୟ ଖେଳାଳି ସୁସ୍ଥ ହୋଇଯାଆନ୍ତି, ସେମାନଙ୍କୁ ଟିମ୍‌ରେ ସ୍ଥାନ ମିଳିବ।

ଭାରତ ଏବେ ଜଣେ ଭଲ ଦ୍ରୁତ ବୋଲର ଅଲରାଉଣ୍ଡର ଦରକାର କରୁଛି। ଶିଭମ ଦୁବେଙ୍କୁ ଏହିଭଳି ଜଣେ ଖେଳାଳି ଭାବେ ଦେଖାଯାଉଛି। କିନ୍ତୁ ଏନେଇ ଚୟନକାରୀ ଦଳ ଚିନ୍ତା କରିବେ। ଦଳରେ ଦ୍ରୁତ ବୋଲର ଅଲରାଉଣ୍ଡର ନହେବାରୁ କୁଲଦୀପ ଯାଦବ ଭଳି ସ୍ପିନରଙ୍କୁ ଖେଳିବା ଅଡୁଆ ହେଉଛି।