Ideal Age Gap For Marriage: ସ୍ୱାମୀ-ସ୍ତ୍ରୀଙ୍କ ବୟସରେ କେତେ ଫରକ୍ ରହିଲେ ବୈବାହିକ ଜୀବନ ସୁଖମୟ ହୁଏ? ଜାଣନ୍ତୁ ସଠିକ୍ ବ୍ୟବଧାନ

ବିବାହ ହେଉଛି ଜୀବନର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି। ସାଧାରଣତଃ ବୈବାହିକ ସମ୍ପର୍କରେ ସ୍ୱାମୀଙ୍କ ବୟସ ସ୍ତ୍ରୀଙ୍କ ଠାରୁ କିଛି ବର୍ଷ ଅଧିକ ରହିବା ଆମ ସମାଜରେ ଦେଖିବାକୁ ମିଳେ। କିନ୍ତୁ ଏହି ବୟସ ବ୍ୟବଧାନ ପ୍ରକୃତରେ କେତେ ହେବା ଉଚିତ୍ ଏବଂ ଏକ ସୁଖମୟ ଦାମ୍ପତ୍ୟ ଜୀବନ ପାଇଁ ଆଦର୍ଶ ବୟସ ବ୍ୟବଧାନ କ’ଣ ହେବା ଦରକାର? ଏହାକୁ ନେଇ ଅନେକ ସମୟରେ ପ୍ରଶ୍ନ ଉଠିଥାଏ।

ଏକ ଆଦର୍ଶ ବିବାହ ପାଇଁ କିଛି ପ୍ରମୁଖ ତଥ୍ୟ:

୫ ରୁ ୭ ବର୍ଷର ବ୍ୟବଧାନ ଆଦର୍ଶ: ଗବେଷଣାରୁ ଜଣାପଡିଛି ଯେ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ୫ ରୁ ୭ ବର୍ଷର ବୟସ ବ୍ୟବଧାନକୁ ସାଧାରଣତଃ ଏକ ଭଲ ଲକ୍ଷଣ ବୋଲି ଗ୍ରହଣ କରାଯାଏ। ବୟସରେ ବହୁତ ଅଧିକ ଫରକ ଥିଲେ ଦୃଷ୍ଟିକୋଣ ଓ ଚିନ୍ତାଧାରାରେ ଭିନ୍ନତା କାରଣରୁ ବୈବାହିକ ସମସ୍ୟା ଦେଖାଦେବାର ଆଶଙ୍କା ଥାଏ। ଅନ୍ୟପକ୍ଷରେ, ଉଭୟଙ୍କର ପସନ୍ଦ ଏବଂ ରୁଚି (ଯେପରିକି ଟିଭି ସୋ’, ଖାଦ୍ୟପେୟ କିମ୍ବା ବୁଲାବୁଲି) ସମାନ ଥିଲେ ସମ୍ପର୍କ ଅଧିକ ମଜବୁତ୍ ହୋଇଥାଏ।

କମ୍ ବୟସର ବ୍ୟବଧାନରେ ଅଧିକ ଝଗଡ଼ା: ଯଦି ବୟସର ଫରକ ମାତ୍ର ୧ ରୁ ୨ ବର୍ଷ ହୋଇଥାଏ, ତେବେ ଦମ୍ପତିଙ୍କ ମଧ୍ୟରେ ଅଧିକ ଝଗଡ଼ା ବା ମତଭେଦ ଦେଖାଦେବାର ସମ୍ଭାବନା ଥାଏ। କାରଣ ଉଭୟ ସମାନ ଜୀବନସ୍ତର ଦେଇ ଗତି କରୁଥିବାରୁ ସେମାନଙ୍କ ମଧ୍ୟରେ ଅହଂକାର (Ego) ଏବଂ ଜିଦ୍ ସମାନ ପରିମାଣରେ ଥାଏ।

ବଡ଼ ବୟସ ବ୍ୟବଧାନର ଲାଭ: ଏକ ସନ୍ତୁଳିତ ବୟସ ବ୍ୟବଧାନ ଥିଲେ ପାରସ୍ପରିକ ବୁଝାମଣା ଭଲ ରହେ। ବୟସ୍କ ସ୍ୱାମୀ ନିଜ ସାନ ସ୍ତ୍ରୀର ଭୁଲକୁ କ୍ଷମା କରିବାର ଧୈର୍ଯ୍ୟ ରଖିଥାନ୍ତି ଏବଂ ସେହିପରି ସ୍ତ୍ରୀ ମଧ୍ୟ ନିଜଠାରୁ ବଡ଼ ସ୍ୱାମୀଙ୍କ କଥାକୁ ଧ୍ୟାନର ସହ ଶୁଣନ୍ତି ଏବଂ ସମ୍ମାନ ଦିଅନ୍ତି।

ପରିପକ୍ୱତା (Maturity)ଏବଂ ବିବାହ ବୟସ: ପୁଅମାନଙ୍କୁ ୨୫ ବର୍ଷରୁ କମ୍ ବୟସରେ ବିବାହ ନକରିବାକୁ ପରାମର୍ଶ ଦିଆଯାଏ, କାରଣ ସେହି ବୟସରେ ସେମାନଙ୍କଠାରେ ପାରିବାରିକ ଦାୟିତ୍ୱ ତୁଲାଇବା ପାଇଁ ଆବଶ୍ୟକ ପରିପକ୍ୱତା ନଥାଇପାରେ। ବିପରୀତ ପକ୍ଷରେ, ୨୧ ବର୍ଷ ବୟସ ବେଳକୁ ଝିଅମାନେ ସମାନ ବୟସର ପୁଅମାନଙ୍କ ତୁଳନାରେ ଅଧିକ ମାନସିକ ପରିପକ୍ୱତା ଦେଖାଇଥାନ୍ତି।

ଏହା ମଧ୍ୟ ଦର୍ଶାଏ ଯେ ମହିଳାମାନେ ସାଧାରଣତଃ ନିଜଠାରୁ ବୟସ୍କ ପୁରୁଷଙ୍କୁ ପସନ୍ଦ କରୁଥିବା ବେଳେ, ପୁରୁଷମାନେ କମ୍ ବୟସର ମହିଳାଙ୍କ ପ୍ରତି ଅଧିକ ଆକର୍ଷିତ ହୁଅନ୍ତି। ତେବେ ଶେଷରେ, ଏକ ସଫଳ ବିବାହ କେବଳ ବୟସ ଉପରେ ନୁହେଁ, ବରଂ ଉଭୟଙ୍କ ମଧ୍ୟରେ ଥିବା ପ୍ରକୃତ ଭଲପାଇବା, ଉତ୍ତମ ବ୍ୟବହାର ଏବଂ ପାରସ୍ପରିକ ବୁଝାମଣା (Chemistry) ଉପରେ ହିଁ ସମ୍ପୂର୍ଣ୍ଣ ରୂପେ ନିର୍ଭର କରିଥାଏ।

ସୌଜନ୍ୟ Prameya News7