Iran: ଇରାନ ଯୁଦ୍ଧ ଯୋଗୁଁ ଡାକ୍ତରୀ ପର୍ଯ୍ୟଟନରେ ୪୦ ପ୍ରତିଶତ ହ୍ରାସ

ନୂଆଦିଲ୍ଲୀ: ପଶ୍ଚିମ ଏସିଆରେ ଚାଲିଥିବା ଯୁଦ୍ଧ ଯୋଗୁ ଭାରତର ଡାକ୍ତରୀ ପର୍ଯ୍ୟଟନ କ୍ଷେତ୍ର ଗୁରୁତର ଭାବରେ ପ୍ରଭାବିତ ହୋଇଛି। ଶିଳ୍ପ ରିପୋର୍ଟରେ ଦର୍ଶାଯାଇଛି ଯେ ଅନ୍ତର୍ଜାତୀୟ ରୋଗୀ ପରିଦର୍ଶନରେ ୩୦ରୁ ୪୦ ପ୍ରତିଶତ ହ୍ରାସ ଘଟିଛି ଏବଂ ଜାତୀୟ ରାଜଧାନୀ ଅଞ୍ଚଳ, ମହାରାଷ୍ଟ୍ର, ତାମିଲନାଡୁ, କର୍ଣ୍ଣାଟକ ଓ ତେଲେଙ୍ଗାନା ପରି ପ୍ରମୁଖ ଚିକିତ୍ସା କେନ୍ଦ୍ରରେ ଡାକ୍ତରୀ ପର୍ଯ୍ୟଟନ ସହ ଜଡିତ ରାଜସ୍ୱରେ ସମାନ ହ୍ରାସ ଘଟିଛି।

ଗତ ଦୁଇ ସପ୍ତାହ ମଧ୍ୟରେ, ବିଦେଶୀ ରୋଗୀଙ୍କ ଆଗମନ ୫୦-୭୫ ପ୍ରତିଶତ ହ୍ରାସ ପାଇଛି। କେତେକ ସ୍ୱାସ୍ଥ୍ୟସେବା ଅନୁଷ୍ଠାନ ପଶ୍ଚିମ ଏସିଆରୁ ଆସୁଥିବା ରୋଗୀଙ୍କ ସଂଖ୍ୟା ୭୫ ପ୍ରତିଶତ ହ୍ରାସ ପାଇଥିବା ରିପୋର୍ଟ କରିଛି। ଏହାର ଅର୍ଥ ହେଉଛି ସମଗ୍ର କ୍ଷେତ୍ରରେ ମାସିକ ରାଜସ୍ୱରେ ୧୫-୨୦ ପ୍ରତିଶତ ହ୍ରାସ ଘଟିଛି, କେତେକ କ୍ଷେତ୍ରରେ ପ୍ରାୟ ୩୫ ପ୍ରତିଶତ ହ୍ରାସ ପାଇଛି। ଦିଲ୍ଲୀର କେତେକ ଡାକ୍ତରଖାନାରେ ଡାକ୍ତରୀ ପର୍ଯ୍ୟଟନ ସହ ଜଡିତ ରାଜସ୍ୱ ୩୦-୪୦ ପ୍ରତିଶତ ହ୍ରାସ ପାଇଛି ବୋଲି ବାଣିଜ୍ୟ ଓ ଶିଳ୍ପ ମନ୍ତ୍ରଣାଳୟ ଦ୍ୱାରା ଗଠିତ ସେବା ରପ୍ତାନି ପ୍ରୋତ୍ସାହନ ପରିଷଦର ମହାନିର୍ଦ୍ଦେଶକ ଡ. ଅଭୟ ସିହ୍ନା କହିଛନ୍ତି।

ସୌଜନ୍ୟ ସମ୍ବାଦ