ପୁରୀ: ଶ୍ରୀମନ୍ଦିର ପତିତପାବନ ବାନା ବନ୍ଧା ଯାଇଥିବା କାଠି ଉପରେ ଚିଲ ବସିଥିବା ଦେଖିବାକୁ ମିଳିଛି। ଅପରାହ୍ନରେ ଚିଲଟି ଶ୍ରୀମନ୍ଦିର ଉପରେ କିଛି ସମୟ ଚକ୍କର କାଟିବା ପରେ ବାନା ଉପରେ ବସିଥିଲା। ପ୍ରାୟ ୫ ମିନିଟ ଧରି ବସିବା ପରେ ଉଡ଼ିଯାଇଥିଲା। ପତିତପାବନ ବାନା ଉପରେ ଚିଲ ବସିବା ଅଶୁଭ ବୋଲି ବିଶେଷଜ୍ଞମାନ କହୁଛନ୍ତି। କେତେଜଣ ସେବାୟତ ଏହାକୁ ମହାପ୍ରଭୁଙ୍କ ବଡ଼ ସଂକେତ ବୋଲି କହିଛନ୍ତି। ଚିଲ ପତିତପାବନ ବାନା ଉପରେ ବସିଲେ ଦେଶରେ ବିପର୍ଯ୍ୟୟ ଘଟିଥାଏ।
